1 naýryzda elordada ótetin mańyzdy sharalar ańdatpasy
NUR-SULTAN. QazAqparat – «QazAqparat» Halyqaralyq aqparat agenttigi 1 naýryz kúni elordada ótetin mańyzdy sharalar ańdatpasyn usynady.
9.00-de Úkimet úıinde kezekti Úkimet otyrysy ótedi. Kún tártibinde kásipkerlik qyzmetti «jańa paraqtan bastap» retteý tásilderin iske asyrý, áleýmettik jáne eńbek salalaryn tsıfrlandyrý qaralady. Úkimet otyrysynyń qorytyndysy boıynsha QR Ulttyq ekonomıka mınıstri Álibek Qýantyrovtyń qatysýymen baspasóz máslıhaty ótedi.
9.30-da Nur-Sultan qalasynyń Tótenshe jaǵdaılar departamenti Dúnıejúzilik azamattyq qorǵanys kúnine arnalǵan konkýrstardyń jeńimpazdaryn marapattaıdy. Sondaı-aq tehnıka men qutqarý jabdyqtarynyń kórmesin, kontserttik baǵdarlama usynady.
11.00-de Qazmedıa ortalyǵynda «Nur Otan» partııasynyń kezekten tys sezi ótedi.
11.00-de QR Ulttyq mýzeıinde 1 naýryz – Alǵys aıtý kúnine oraı «Meıirim» áleýmettik jobasy aıasynda erekshe bilim berýdi qajet etetin múmkindigi shekteýli balalarǵa arnalǵan «Meıirimińiz úshin myń alǵys!» merekelik sharasy ótedi.
14.30-da @l-Farabı atyndaǵy oqýshylar saraıynda Bilim basqarmasynyń basshysy Qasymhan Senǵazıev Alǵys aıtý kúnine oraı qıyn jaǵdaıǵa tap bolǵan adamdardy qutqaryp, batyldyq kórsetken jáne daryndy balalardyń analarymen kezdesedi.
19.00-de «Astana» kontsert zalynda Nur-Sultan qalasy ákimdiginiń Erkeǵalı Rahmadıev atyndaǵy Memlekettik akademııalyq fılarmonııasynyń ujymdary men jeke oryndaýshylary Alǵys aıtý kúnine arnalǵan «Dala dástúri» merekelik kontsertin ótkizedi.
