1 naýryz. Qazgıdromettiń kún raıyna jasaǵan boljamy
NUR-SULTAN. QazAqparat - Qazgıdromet 1 naýryzda bolatyn erekshe meteorologııalyq qubylystarǵa boljaý konsýltatsııasyn jarııalady, dep habarlaıdy QazAqparat.
Frontaldy bólimderdiń áserinen oblystardyń kóp bóliginde jańbyr men qar túrinde jaýyn-shashyn kútiledi, eldiń ońtústiginde qatty jaýyn-shashyn negizinen jańbyr túrinde bolady. Respýblıka boıynsha keı jerlerde tuman túsip, jel kúsheıedi, QR ońtústiginde – naızaǵaı, batysta, ońtústik-shyǵysta – kóktaıǵaq.
Soltústik Qazaqstan oblysynyń ońtústiginde tuman, kúndiz oblystyń soltústik-shyǵysynda jaıaý burqasyn, túnde oblystyń soltústiginde jeldiń kúsheıýi, kúndiz oblystyń basym bóliginde 15-20, kúndiz ekpini 25 m/s kútiledi.
Pavlodar oblysynda túnde jáne tańerteń soltústiginde, oblystyń ortalyǵynda tuman, kúndiz oblystyń soltústiginde jaıaý burqasyn, jeldiń kúsheıýi 15-20 m/s bolady, Aqmola oblysynyń batysynda, ońtústiginde tuman, oblystyń soltústik jartysynda jeldiń kúsheıýi 15-20 m/s bolady.
Túrkistan oblysynyń taýly aýdandarynda kúndiz Almaty oblysynyń shyǵysynda 15-20 m/s jel turady. Jambyl oblysynyń ońtústiginde, soltústiginde jáne taýly aýdandarynda tuman, kóktaıǵaq, oblystyń ońtústik-batysynda, taýly aýdandarda jeldiń kúsheıýi 15-20 m/s bolady. Batys Qazaqstan oblysynyń batysy men ońtústiginde túnde kóktaıǵaq, batysy men soltústiginde tuman kútiledi.
Atyraý oblysynyń batysynda, soltústiginde jáne ortalyǵynda, batysynda, Mańǵystaý oblysynyń ortalyǵynda, soltústiginde, Qostanaı oblysynyń ońtústiginde, Qyzylorda oblysynyń ortalyǵynda, túnde jáne tańerteń Soltústik, Shyǵys Qazaqstan oblysynyń shyǵysynda tuman kútiledi.
