1 naýryzda Óńirlik kadrlyq rezervke irikteý bastalady
ASTANA. KAZINFORM – Memleket basshysynyń Jarlyǵyna sáıkes, aldaǵy 1 naýryz kúni Óńirlik kadrlyq rezervke irikteý bastalady. Qujattar osy jyldyń 31 naýryzyna deıin qabyldanady. Bul týraly Astana qalasy ákiminiń birinshi orynbasary Nurlan Nurkenov ÓKQ brıfınginde aıtty.
Astana qalasy ákimdigi baspasóz qyzmetiniń málimetinshe, jobanyń negizgi maqsaty – jas basqarýshylardyń aımaqtyq pýldaryn qalyptastyrý jáne daryndy jastardy óńirlerdi damytýǵa tartý. Óńirlik rezervke irikteýge 35 jastan aspaǵan, joǵary bilimi jáne keminde 3 jyl jumys ótili bar azamattar qatysýǵa jiberiledi.
«Óńirlik kadr rezervine alynǵan adamdar saılanatyn laýazymdardy qospaǵanda, memlekettik qyzmet isteri agenttiginiń jáne onyń aýmaqtyq bólimshesiniń kelisimi boıynsha konkýrs ótkizbeı, astananyń jergilikti atqarýshy organdarynda «B» korpýsynyń memlekettik ákimshilik laýazymdaryna ornalasa alady. Sondaı-aq óńirlik rezervke alynǵan adamnyń kelisimimen ony basqa óńirlerge taǵaıyndaýǵa jol beriledi. Búginde elorda ákimdiginiń aldynda áleýmettik jáne ınjenerlik ınfraqurylymdy damytý mindetteri tur. Sondaı-aq úlken qalanyń damýy halyqpen ózara is-qımyl protsesterin tsıfrlandyrýdy, aqparattyq-taldamalyq júıelerdi damytýdy talap etedi. Aqparattyq qaýipsizdikti qamtamasyz etý de mańyzdy bóligi bolyp sanalady», - dedi Nurlan Nurkenov.
Іrikteý áleýmettik, turǵyn úı-kommýnaldyq sharýashylyq jáne ınfraqurylym, ekologııa, tsıfrlandyrý salalyq baǵyttary boıynsha júzege asyrylady.
«Qala ómirin jaqsartýǵa belsendi qatysýǵa daıyn jas ári bastamashyl adamdardy irikteýge qatysýǵa shaqyramyz», - dedi spıker.
