1 naýryzda baqylaý-kassalyq mashınalar ýaqyty ózgere me
ASTANA. KAZINFORM – Memlekettik kirister komıteti 1 naýryzdan bastap elimizdiń biryńǵaı ýaqyt beldeýine kóshetinine baılanysty salyq tóleýshilerdiń nazaryna habarlandyrý jarııalady.
Qazaqstan Respýblıkasy Qarjy mınıstrliginiń Memlekettik kirister komıteti Úkimettiń 2024 jylǵy 19 qańtardaǵy №20 qaýlysyna sáıkes Qazaqstan Respýblıkasynyń búkil aýmaǵynda 5-shi saǵat beldeýi qoldanylatynyn, sondaı-aq 2024 jylǵy 29 aqpannan bastap 2024 jylǵy 1 naýryzǵa qaraǵan túni (saǵat 00:00-de) jergilikti ýaqyt Qazaqstan Respýblıkasynyń barlyq aýmaǵynda 1 saǵat keıin aýystyrylatynyn habarlaıdy.
«Apparattyq-baǵdarlamalyq keshen sanalatyn baqylaý-kassalyq mashınalarynda ýaqyt avtomatty rejımde ózgeredi. Al apparattyq-baǵdarlamalyq keshen sanalmaıtyn, ıaǵnı «temir» baqylaý-kassalyq mashınalardyń ýaqytyn tutynýshy óz betinshe paıdalaný jónindegi nusqaýlyqqa («Kún men ýaqytty baǵdarlamalaý» bólimi) sáıkes 2024 jylǵy 29 aqpannan keıin júrgizý qajet», - delingen habarlandyrýda.
Vıdeo nusqaýlyqpen Memlekettik kirister komıtetiniń press_kyzmet_kgd, kgd.gov.kz, kgdmfrk resmı resýrstary arqyly tanysýǵa bolady.
Suraqtar týyndaǵan jaǵdaıda baqylaý-kassalyq mashınalardy súıemeldeý sharttary sheńberinde tehnıkalyq qyzmet kórsetý ortalyqtarynan, Memlekettik kirister basqarmalarynan nemese 1414 (3) telefon nómiri arqyly tegin keńes alýǵa bolady.
