1 myńnan astam júrgizýshi qylmystyq jaýapkershilikke tartyldy
NUR-SULTAN. QazAqparat – Osy jyldyń 5 aıynda 1 myńnan astam júrgizýshi qylmystyq jaýapkershilikke tartyldy. Bul týraly QR ІІM Ákimshilik polıtsııa komıtetiniń basqarma bastyǵy Asqar Tájenov málim etti, dep habarlaıdy QazAqparat tilshisi.
«Mas kúıde jol-kólik oqıǵasyn jasaǵan jaǵdaıda onyń saldarynyń aýyrlyǵyna baılanysty ómir boı kólik júrgizý quqyǵynan aıyrý arqyly qylmystyq jaýapkershilik kózdelgen. Osy jyldyń 5 aıynda 1 myńnan astam júrgizýshi qylmystyq jaýapkershilikke tartyldy», - dedi ol ІІM baspasóz qyzmeti alańynda ótken brıfıng barysynda.
Onyń atap ótýinshe, mas kúıde kólik basqarǵany úshin jaýapkershiliktiń kúsheıtilgenine, is-áreketteriniń qaýipti ekendigine qaramastan keıbir júrgizýshiler ishimdik iship mashına júrgizýden tıylar emes.
«Ókinishke oraı mundaı júrgizýshiler jıi jol-kólik oqıǵasyn jasaıdy. Osyǵan oraı kólik júrgizýshilerin Jol júrisi erejesin, jeke qaýipsizdigin qatań saqtaýǵa, mas kúıde kólik quralyn basqarý faktilerine tózimsizdik tanytýǵa shaqyramyz», - dedi Asqar Tájenov.
