1 myńnan astam áleýmettik pedagog koýchıng quraldaryn qoldanýdy úırenedi

ASTANA. QazAqparat - Adamnyń úılesimdi damýy ulttyq ınstıtýty áleýmettik pedagogterdi koýchıngtiń tıimdi ádisterine jáne olardy kásibı qyzmette praktıkalyq paıdalanýǵa úıretý maqsatynda vebınar ótkizedi, dep habarlaıdy QazAqparat.

Vebınar 28 naýryz kúni saǵat 15:00-de Facebook jelisinde onlaın ótedi.

«Mundaı vebınarlar pedagogıkalyq qarym-qatynasty uıymdastyrýdyń, oqý úderisin basqarýdyń tıimdi joldaryn kórsetý, sonymen qatar koýchıng arqyly muǵalimderdiń, oqýshylar men ata-analardyń ómirindegi qıyn jaǵdaılardy sheshý maqsatynda ótkiziledi», - deıdi damý jáne ádistemelik qamtamasyz etý departamentiniń dırektory Gúlnaz Saǵymbaeva.

Vebınar barysynda qatysýshylar búkil suraqtarǵa tolyq jaýap alady.