1 myńǵa jýyq sheteldik azamat Túrkııa shekarasynan zańsyz ótpek bolǵan
ASTANA. QazAqparat - Túrik shekara saqshylary Sırııa, Bolgarııa, Grekııa jáne Irak elderinen Túrkııa aýmaǵyna zańsyz ótýge árekettengen 975 adamdy ustady.
Bul jaıly Túrkııa qarýly kúshteriniń bas shtabyna silteme jasaǵan «Anadoly» agenttigi habarlaıdy.
Sırııamen shekarada júrgizilgen tekserý jumystary barysynda 15 980 qorap sıgaret, ań aýlaıtyn myltyq túrindegi kontrabandalyq zattar tárkilengen.
Operatsııa barysynda Hakkarıdegi Shemdınlı aýdanynda úsh, Mardınniń Qyzyltepe aýdany men Shırnaktaǵy Sılope aýdandarynda bir-birden qoldan jasalǵan jarylǵysh qurylǵylar joıyldy.
