1 myńǵa jýyq elordalyq «jastar praktıkasyna» jiberiledi

NUR-SULTAN. QazAqparat - Bıyl Memleket basshysynyń tapsyrmasy aıasynda «Jastar praktıkasy» baǵdarlamasyna aıtarlyqtaı ózgerister engizildi, atap aıtqanda, ótý merzimi men jalaqy kólemi artty. Elorda qalalyq Jumyspen qamtý ortalyǵynda jobaǵa qatysý sharttary men onyń tıimdiligi talqylandy, dep habarlaıdy QazAqparat qala ákimdiginiń resmı saıtyna silteme jasap.

Jastar praktıkasy alǵan mamandyǵy boıynsha jumyssyz júrgen tehnıkalyq jáne kásiptik, orta bilimnen keıingi, joǵary jáne joǵary oqý ornynan keıingi bilim berý uıymdarynyń túlekterine arnalǵan. Praktıkadan ótýge sońǵy úsh jyl ishinde oqýyn aıaqtaǵan 29 jasqa deıingi jastar jiberiledi.

«Jastar praktıkasy barlyq menshik nysanyndaǵy kásiporyndar men uıymdarda ótedi. Bul rette salyq jáne basqa da áleýmettik aýdarymdardy turaqty júrgizetin, jalaqy boıynsha bereshegi joq jáne bir jyldan astam jumys isteıtin jumys berýshiler qatysady.
Kezekti qarjy jylyna jastar praktıkasyn uıymdastyrý úshin qurylatyn ýaqytsha jumys oryndarynyń sany múgedekter, bas bostandyǵynan aıyrý oryndarynan bosatylǵan adamdar, probatsııa qyzmetinde turǵan adamdar úshin qurylatyn jumys oryndaryn qospaǵanda, qyzmetkerlerdiń tizimdik sanynan 20% aspaıdy», - dep habarlady Jumyspen qamtý ortalyǵynan.
Jumys berýshi elektrondyq eńbek bırjasyndaǵy «jeke kabınet» arqyly

Bıyl Nur-Sultanda «Jastar tájirıbesi» jobasy aıasynda qatysýshylardyń eńbekaqysy 35 AEK-ten (102 myń teńge) 40 AEK-ke (122 myń teńge) deıin ulǵaıady. Sondaı-aq ótý merzimi eki ese uzartylady – 6 aıdan 1 jylǵa deıin.

Baǵdarlamaǵa qatysý úshin Jumyspen qamtý ortalyǵyna nysan boıynsha ótinish pen mynadaı qujattar tizimin usyný qajet:
1) jeke basyn kýálandyratyn qujat;

2) qyzmetin rastaıtyn qujattar (bar bolsa);

3) tehnıkalyq jáne kásiptik, orta bilimnen keıingi, joǵary jáne joǵary oqý ornynan keıingi bilimniń bolýyn rastaıtyn qujat.

Jumys berýshi jumyssyzǵa kásibı bilimi men jumys tájirıbesin berý úshin tájirıbeli qyzmetkerler qatarynan tálimgerdi bekitedi.

Jastar praktıkasynan ótý kezeńi eńbek ótiline qaraı esepteledi.

«Eger jobanyń tıimdiligi týraly aıtatyn bolsaq, 2021 jyldyń qorytyndysy boıynsha jastar praktıkasymen 914 túlek qamtyldy (JOO túlekteri – 750 adam, kolledjder – 164 adam), onyń ishinde 284 adam turaqty jumys oryndaryna ornalastyryldy.

2022 jyly jastar praktıkasyna 998 adamdy jiberý josparlanǵan. Búgingi tańda 124 adam jastar praktıkasynan ótip jatyr.