1 myńǵa jýyq áleýetti talapker men olardyń ata-analary Nazarbaev Ýnıversıtetiniń qyzmetimen tanysty
ASTANA. 22 qazan. QazAqparat - Jeksenbi, 21 qazan kúni Nazarbaev Ýnıversıtetinde ashyq esik kúni ótti.
Bul týraly JOO-nyń Kommýnıkatsııa jáne marketıng departamentinen málim etti.
Іs-shara barysynda barlyq kelýshiler Nazarbaev Ýnıversıtetine oqýǵa qabyldaý erejeleri, bilim berý men mamandyqtar, keleshek túlekterdiń mansaby men kampýstaǵy ómir jaıly aqparattar alyp, bilim ordasymen tanysýǵa múmkindik aldy.
«Bıyl ózge qalalardan kelgen qonaqtardyń sany kóp bolǵanyna qýanyshtymyz. Kóptegen áleýetti talapkerler men olardyń ata-analary Qaraǵandy, Qostanaı jáne Kókshetaý qalalarynan ýnıversıtetke túsý jáne bilim berý erejelerimen tanysý úshin bizdiń is-sharaǵa arnaıy keldi», - dep atap ótti Nazarbaev Ýnıversıteti Qabyldaý departamentiniń dırektory Dınara Ashyqbaeva.
Departament dırektorynyń aıtýynsha, 2013-2014 oqý jylyna talapkerlerdi tirkeý bıylǵy jyldyń qarashasynda bastalady, al jańa jyldan keıin ýnıversıtet tikeleı oqýǵa túsýdi jáne ózge joǵary oqý oryndarynan aýysýdy qalaıtyn kandıdattar úshin tirkeýdi ashady.
Qonaqtar úshin óz tanystyrylymdaryn Daıarlyq oqytý ortalyǵy (Foundation baǵdarlamasy), ınjenerııa, ǵylymdar men tehnologııa, gýmanıtarlyq jáne áleýmettik ǵylymdar mektepteri, sondaı-aq Joǵary bıznes mektebi ótkizdi. Al JOO-nyń logotıpteri bar fýtbolkalar men beısbolkalar kıgen stýdentter ýnıversıtet boıynsha týr ótkizip, kampýsta turý erekshilikteri týraly áńgimeledi. Sondaı-aq ózderiniń mamandyqtary boıynsha keńester berdi.
Aldyn ala esepteýler boıynsha, is-sharaǵa 1 myńǵa jýyq adam qatysty.
Málim etilgendeı, kelesi ashyq esik kúni 4 qarasha kúni Almaty qalasynda ótetin bolady. Sondaı-aq Nazarbaev Ýnıversıteti Qazaqstan óńirleri boıynsha dástúrli kóshpeli tanystyrylymdaryn bastaǵandyǵyn habarlaıdy.
