1 mlrd teńgege jýyq qarajat jymqyryldy: Astana English School dırektory men bas esepshisi ustaldy
ASTANA. KAZINFORM – QMA Astana qalasy boıynsha departamenti Astana qalasy ákimdigine qarasty «№81 Astana English School halyqaralyq mektebi» KMM-niń laýazymdy tulǵalaryna qatysty bıýdjet qarajatyn jymqyrý faktisi boıynsha tergeý júrgizip jatyr.
Astana qalasy boıynsha UQKD qyzmetkerlerimen birlesip, burynǵy dırektor men bas býhgalterdiń 900 mln teńgeden astam qarajatty jymqyrǵany anyqtaldy.
Bul somanyń bir bóligi – ata-analardan daıyndyq synyptaryna oqytý jáne jazǵy lagerge qatysý úshin qolma-qol alynǵan aqsha. Alaıda bul qarajat mekeme shottaryna túspeı, urlanǵan.
Sonymen qatar shamamen 16 mln teńge is júzinde uıymda jumys istemeıtin jalǵan qyzmetkerler atyna aýdarylǵan. Olardyń qatarynda kúdiktilerdiń jalǵan túrde rásimdelgen týystary da bar.
Kúdiktiler qylmystyq jolmen alynǵan tabystarǵa jalpy quny 382 mln teńge bolatyn múlik satyp alǵan: kottedj, elordada eki páter jáne avtokólik.
Sot sanktsııasymen bul múlikke tyıym salyndy. Kúdiktiler qamaýǵa alyndy.
QR Qylmystyq-protsestik kodeksiniń 201-babyna sáıkes ózge aqparat jarııalaýǵa jatpaıdy.
Aıta keteıik, ShQO-da «jazany jeńildetemin» dep para alǵan Antıkor qyzmetkeri ustaldy.