1 mlrd teńge alaıaqtyq: eki astanalyq 150 adamdy aldap, túrmege qamaldy

ASTANA. KAZINFORM — Astanada eki alaıaq azamat birneshe jyl boıy ózin memlekettik baǵdarlama ókili retinde kórsetip, adamdardy aldap kelgen, dep habarlaıdy qalalyq prokýratýranyń baspasóz qyzmeti.

Olar keńse ashyp, jumys istep turǵan JShS-lardyń atyn paıdalanyp, azamattarǵa Astana men Almaty qalalarynan jeńildetilgen sharttarmen páter alyp beremiz, nesıe rásimdep beremiz dep ýáde bergen.

Bul ýádelerin jalǵan kelisimsharttarmen «bekitip», sendirgen. Saldarynan 150 adam aldanyp, 1 mıllıard teńgeden astam qarjysynan aıyrylǵan.

— Sot kinálilerdi 6 jyl 8 aıǵa bas bostandyǵynan aıyrdy. Sonymen qatar, olar 5 jyl boıy materıaldyq jaýapty jáne basshylyq qyzmetter atqara almaıdy. Keltirilgen shyǵyn da olardan óndiriletin boldy, — delingen qalalyq prokýratýra taratqan aqparatta.

Prokýratýra azamattarǵa qujattary joq, kúmándi adamdarmen mámile jasamaýǵa keńes beredi.

Osyǵan deıin Astanada turǵyn úı kezeginen zańsyz shyǵarylǵan ana sotta jeńiske jetkenin jazǵanbyz.