1 mln-nan astam turǵyny bar Shymkenttegi epıdemıologııalyq jaǵdaı qandaı
Qalalyq densaýlyq saqtaý basqarmasynyń sońǵy málimetinshe, ótken táýlikte koronavırýs ınfektsııasyn boıynsha 36 adamnyń juqtyrǵany anyqtalǵan.
Atalǵan basqarmanyń basshysynyń mindetin atqarýshysy Tımırhan Varzılovtyń aıtýynsha, aǵymdaǵy jyldyń 1 qańtary men 23 shilde aralyǵynda qalada 12 595 pnevmonııa jaǵdaıy tirkelgen. Búginge deıin pnevmonııa dertinen jazylyp shyqqan naýqastardyń sany – 10 263. Dertinen saýyqqandardyń basym bóligi egde jastaǵy azamattar.
«Qazirgi tańda qala boıynsha ınfektsııaǵa shaldyqqan naýqastardy emdeý úshin 3860 tósek-oryn bar. Olardyń 650 - ınfektsııalyq, 3210 – provızorlyq bolyp tabylady. Medıtsınalyq mekemelerde búginde 2348 tósek-orny bos. ıAǵnı, 286 – ınfektsııalyq, 1226 – provızorlyq ortalyqtarda. Infektsııalyq statsıonar tósekteriniń jetkiliktigi 44% bolsa, provızorlyq stantsıonarlardyń tolymdyǵy 38,2% paıyzdy quraıdy. Aýyr dárejedegi naýqastar úshin ınfektsııalyq statsıonarlarda 60 reanımatsııalyq tósek, provızorlyq statsıonarlarda 91 tósek bar. Reanımatsııalyq tósekterdiń tolymdylyǵy - 70,9%.
Sondaı-aq, alǵashqy medıtsınalyq-sanıtarlyq kómek uıymdarynyń bazasynda qosymsha 628 tósektik kúndizgi statsıonar uıymdastyrylǵan», - dedi T. Varzılov.
Qalada dári-dármek qory da jetkilikti bolyp otyr. Qalanyń medıtsınalyq mekemelerinde búgingi kúni 339 ókpeni jasandy jeldetý apparaty (IVL), 673 «Bobrov» tynys alý apparattary qoldanysta bar. Qosymsha 2 aýrýhanada ottegi stantsııasyn iske qosý boıynsha jumystar júrgizilýde. Sala mamandarynyń sózinshe, medıtsınalyq uıymdar qosymsha eki aıǵa jetetin dári-dármekpen qamtylǵan. Máselen, qazir dári-dármekter qorynda temperatýrany tómendetetin preparattar sany - 328 027 quraıdy. Sondaı-aq qorda vırýsqa qarsy preparattardyń 70 570 danasy, 135 059 antıbıotıkter, 79 800 antıkogýlıanttar, 110 532 dana emge qajetti vıtamınder bar. Shymkentke shetelden 3 mıllıonǵa jýyq qutydaǵy dári-dármek te jetkizildi. Qala ákimi Murat Áıtenovtiń aıtýynsha, dári turaqtylyǵyn saqtaý maqsatynda Úndistan, Reseı, Ýkraına men Ózbekstan elinen 2 mln 676 myń flakon birinshi kezektegi dári-dármek tasymaldanǵan. Sondaı-aq, Murat Áıtenovtiń dári-dármekpen qatar shetelden 16 mln 700 myń maska da jetkizilgenin atap ótti. Qalada kóterme dári-dármek satýmen aınalysatyn 10 iri farmkompanııa jáne 560 dárihana bar bolsa, atalǵan farmkompanııalarǵa shetelden dári-dármek alyp kelýge bir jolǵy ruqsat berilgenin jetkizdi.
«Memleket basshysynyń halyqty dári-dármekpen qamtý jónindegi tapsyrmasyna sáıkes qalada tórt monıtorıng toby qurylyp, 348 dárihanaǵa tekserý júrgizildi. Nátıjesinde zańsyz dári-dármek satýmen aınalysqan 50 derek anyqtaldy. Onyń ishinde 12 qylmystyq is tirkelip, tergeý amaldary bastaldy», - dedi qala basshysy.
Shymkentte koronavırýs týraly naqty aqparat taratatyn arnaıy saıt ta ashyldy. Munda qala turǵyndary KVI boıynsha jedel statıstıkamen tanysyp, tıisti aqparattar ala alady. Mamandar atalǵan saıtta COVID-19, pnevmonııa jáne JRVI-men aýyratyn naýqastar sany men táýlik ishinde aýrýhanaǵa túskenin, jazylyp ketken shyqqan naýqastar jaıly aqparat jarııalanýda. Sonymen qatar búginde qaladaǵy kásipkerler men iri kompanııalar da demeýshilik jasap, medıtsınalyq uıymdarǵa qajetti qural jabdyqtardy alyp berýde. Máselen, búgin «BI GROUP» qurylys kompanııasy medıtsına mekemelerine kezekti ret kómek kórsetti. Atalmysh kompanııa Shymkent qalasynadaǵy provızorlyq stantsıonarlarǵa 82 dana ottegi kontsentratoryn jetkizdi. Bul qurylǵy COVID-19 ınfektsııasy men pnevmonııa aýrýyna shaldyqqan aýyr haldegi naýqastardy emdeýge arnalǵan. Qurylǵynyń 10 danasy «Asar» shaǵyn aýdanyndaǵy juqpaly aýrýlar ortalyǵyna tabystaldy. Qazir bul juqpaly aýrýlar ortalyǵynda koronavırýs ınfektsııasyna shaldyqqan 140 naýqas em alyp jatyr. Dárigerler sońǵy eki aptada syrqattar sanynyń aıtarlyqtaı azaıǵandyǵyn aıtýda.
«Koronovırýsqa qarsy kúreste dárigerlerge qol ushyn berý úshin elimizdegi oblys ortalyqtaryna, aýdan-qalalaryna 1000 dana ottegi kontsentratory apparatyn jetkizip jatyrmyz. Onyń ishindegi 82-sin arnaıy Shymkent qalasyna alyp keldik. Qazirgi kezde ókpesi qabynǵan naýqastar ottegi jetpeı qınalýda. Endi bul apparattar syrqattanǵan jannyń ómirin saqtap qalýǵa yqpal etpek. Apparattardy kompanııa top basshylary men seriktestik ókilderi óz qarajat esebinen satyp alyp, aýrýhanalarǵa tabystaýda»,-deıdi kompanııa ókili Aıdyn Maıýsov.
Aıta keteıik, buǵan deıin BI Group kásiporyny qaladaǵy aýrýhanalarǵa Reseıde jasalǵan ottegi kontsentratorlarynyń eń ozyq jáne tıimdi apparattaryn tartý etken bolatyn. Al, kúni keshe «PetroQazaqstan Oıl Prodakts» JShS men «Shymkent – qaıyrymdy qala» áleýmettik qory birlesip, Covid-19 ınfektsııasymen kúrestiń aldyńǵy sapynda júrgen medıtsınalyq uıymǵa gýmanıtarlyq kómek kórsetti. Atalmysh kompanııa ókilderi № 2 qalalyq aýrýhanaǵa qarasty provızorlyq stantsıonarǵa 10 myń medıtsınalyq betperde men 1 myń dana qorǵanysh kıimderin jetkizgen edi.
