1 mln-nan astam qazaqstandyq nesıelerdi óteý merzimin buzǵan

NUR-SULTAN. QazAqparat – Búginde elimizde 1 mln-nan astam azamat nesıelerdi óteý merzimin buzǵan. Bul týraly QR Qarjy birinshi vıtse-mınıstri Marat Sultanǵazıev málim etti, dep habarlaıdy QazAqparat tilshisi.

«Búgingi kúni azamattardyń edáýir bóliginiń qarjylyq jaǵdaıy nasharlaǵan. Onyń ár túrli sebepteri bar: jumysynan aıyrylý nemesejumysqa jaramsyzdyq, ekonomıkalyq quldyraý aıasynda ál-aýqat deńgeıiniń tómendeýi jáne koronavırýs ınfektsııasyna qatysty karantındik is-sharalardy engizý. Nesıe bıýrosynyń aqparatyna sáıkes, búginde 1 mln-nan astam azamat nesılerin óteý merzimin buzǵan», - dedi ol Ortalyq komýnıkatsııalar qyzmetindegi brıfıng barysynda.

Onyń atap ótýinshe, kommýnaldyq tólem, salyq boıynsha bereshegi bar azamattardyń da qatary mol. Sonymen qatar boryshker múlkiniń bolmaýyna baılanysty qaıtarylǵan 4 mlrd teńge somasyna atqarýshylyq qujattar bar.