1 mln dollar jymqyrǵan kúdikti Germanııada ustalyp, elge qaıtaryldy
ASTANA. KAZINFORM — 10 jyldan astam izdeýde júrgen asa iri mólsherde alaıaqtyq jasaǵan kúdikti Germanııadan ekstradıtsııalandy, dep habarlaıdy Bas prokýratýranyń baspasóz qyzmeti.
Bas prokýratýra men Іshki ister mınıstrliginiń Interpol qyzmetkerleri, Qazaqstannyń Germanııa Federatıvtik Respýblıkasyndaǵy elshiliginiń qoldaýymen asa iri mólsherde alaıaqtyq jasaǵany úshin qylmystyq jaýaptylyqqa tartý maqsatynda atalǵan eldensheteldik azamat ekstradıtsııalady.
Tergeý barysynda kórsetilgen tulǵa 2014 jyly adamdar tobynyń aldyn ala sóz baılasýymen, kompıýterlik tehnıkany jetkizýge járdem kórsetý syltaýymen qazaqstandyq kásipkerdiń 1 mıllıon AQSh dollary kóleminde qarajatyn aldaý jolymen ıemdengeni anyqtaldy.
Qylmys jasaǵannan keıin kúdikti jasyrynyp, oǵan halyqaralyq izdeý jarııalanǵan.
— 2025 jyldyń qyrkúıeginde ol Germanııada ustalyp, Bas prokýratýranyń suraýy boıynsha Qazaqstanǵa berildi. Qazir sottalýshy tergeý ızolıatoryna qamaldy. Aıyptalǵan qylmysty jasaǵany úshin múlki tárkilenip, 10 jylǵa deıin merzimge bas bostandyǵynan aıyrý jazasy qarastyrylǵan, — delingen habarlamada.
Osyǵan deıin elordada ózin túrli tehnıkalardy jóndeıtin shebermin dep tanystyryp kelgen alaıaq 18 turǵynnyń aqshasyn alyp, aldap ketkenin jazdyq.
