1 mln astam qazaqstandyq bankrot dep tanylýy múmkin

ASTANA. QazAqparat – Búgin elorda turǵyndarymen kezdesken Qarjy vıtse-mınıstri Erjan Birjanov «QR azamattarynyń tólem qabilettiligin qalpyna keltirý jáne bankrottyǵy týraly» zańy aıasynda qansha adam bankrottyq rásimdeıtinin aıtty, dep habarlaıdy QazAqparat tilshisi.

«Osy zań şeńberinde bankrottyq rásimdeıtinderdiń jalpy sany 1 mln 170 myńnan asýy múmkin. Bizdiń baǵalaýymyz boıynsha olardyń 1 mln 40 myńy sottan tys, al 36 myńnan astamy nemese 40 myńǵa jýyǵy sot bankrottyǵyna júginedi. Bul - boljamǵa sáıkes kútiletin eń kóp kólem», - dedi vıtse-mınıstr.

Sonymen qatar Erjan Birjanov azamattardy bankrot dep taný – qaryzdy keshirý aktsııasy emes ekendigin aıtty.

«Bankrottyq - ár azamattyń erkimen júzege asyrylady. Mysaly, úshinshi jaqtaǵy tulǵalar ózge adam úshin bankrottyqty qozǵaı almaıdy. Bul tek ár azamattyń erki bolýy kerek. Sebebi, bankrottyq degen qaryzdy keshirý aktsııasy emes. Ony azamattar túsinýi qajet. Óıtkeni, onyń zańmen retteletin óziniń saldary bar. Bankrot dep tanylǵan adamdar 5 jyl nesıe ala almaıdy. Sonymen birge, 7 jyldyń ishinde ózin qaıtadan bankrot dep tanýǵa jatpaıdy», - dep atap ótti Erjan Birjanov.