1 mlıllıonnan astam adam telemedıtsınalyq qyzmetti paıdalandy - DSM
ASTANA. KAZINFORM – Qazaqstan Respýblıkasy Densaýlyq saqtaý mınıstrligi medıtsınalyq kómektiń qoljetimdiligi men sapasyn arttyrýdyń, ásirese aýyldyq jáne shalǵaı eldi mekender turǵyndary úshin mańyzdy quraldarynyń biri retinde telemedıtsınany júıeli túrde damytyp keledi, dep habarlaıdy mınıstrliktiń baspasóz qyzmeti.
Búginde telemedıtsına qyzmetterine 655 medıtsınalyq uıym qosylǵan. Olardyń áleýetti qamtý aýqymy 2 mıllıonnan astam adamdy quraıdy. Qazirgi tańda 1 mıllıonnan astam patsıent telemedıtsınalyq konsýltatsııalar alǵan. Bul qashyqtan medıtsınalyq kómek kórsetý formatyna degen joǵary suranysty kórsetedi.
Telemedıtsına shalǵaı óńirlerdiń turǵyndaryna beıindi mamandardyń keńesin ýaqytyly alýǵa múmkindik beredi, medıtsınalyq kómekti kútý merzimin qysqartady, oblystyq jáne respýblıkalyq klınıkalarǵa barý qajettiligin azaıtady ári patsıentterdi turǵylyqty jeri boıynsha úzdiksiz baqylaýdy qamtamasyz etedi. Densaýlyq saqtaý mınıstrligi alǵash ret qashyqtan kórsetiletin medıtsınalyq qyzmetterdiń naqty tizbesin aıqyndap, onlaın-qyzmetterdiń sapasy men qaýipsizdigine qoıylatyn biryńǵaı talaptardy belgiledi. Sonymen qatar, mınıstrliktiń jańa buıryǵynda telemedıtsınalyq qyzmetterdi kórsetý kezinde qoldanylatyn tehnologııalar men jabdyqtar aıqyndalyp, olardy usyný sharttary keńeıtildi. 4 myńnan astam medıtsınalyq uıym biryńǵaı telemedıtsınalyq jelige qosylady. Telemedıtsınany damytýdyń kelesi kezeńi – telemedıtsınalyq ınfraqurylymdy elimizdiń búkil densaýlyq saqtaý júıesine keńinen engizý.
Aldaǵy ýaqytta 4 myńnan astam densaýlyq saqtaý uıymyn, onyń ishinde medıtsınalyq pýnktterdi, feldsherlik-akýsherlik pýnktterdi, dárigerlik ambýlatorııalardy, bastapqy medıtsınalyq-sanıtarııalyq kómek ortalyqtaryn, ortalyq aýdandyq jáne oblystyq aýrýhanalardy zamanaýı telemedıtsınalyq jabdyqtarmen qamtamasyz etý josparlanyp otyr.
Sonymen qatar, qazirgi zamanǵy tsıfrlyq sheshimder qylmystyq-atqarý júıesiniń 72 mekemesinde engizilip jatyr. Bul atalǵan sanattaǵy patsıentterdiń mamandandyrylǵan medıtsınalyq kómekke qoljetimdiligin qamtamasyz etedi. Jobany iske asyrý nátıjesinde aýyldyq jerlerde turatyn shamamen 7,5 mıllıon turǵyndy qamtýǵa múmkindik berilip, Qazaqstannyń barlyq aýmaǵynda medıtsınalyq kómekti qashyqtan kórsetýdiń biryńǵaı zamanaýı júıesi qalyptastyrylady. Tsıfrlyq tehnologııalar mektep medıtsınasynda engiziledi ️ Mınıstrliktiń basym baǵyttarynyń biri – mektep medıtsınasyn tsıfrlandyrý. Telemedıtsınalyq sheshimderdi 6 900-den astam mektepke engizý josparlanyp otyr. Bul 3,6 mıllıonnan astam oqýshyny qamtıdy. Tsıfrlyq servısterdi paıdalaný profılaktıkalyq tekserýler júrgizýge, qashyqtan konsýltatsııalar uıymdastyrýǵa, balalardyń densaýlyq jaǵdaıyn baqylaýǵa, sondaı-aq profılaktıkalyq jumystardyń tıimdiligin arttyryp, aýrýlardy erte anyqtaýǵa múmkindik beredi. Jyl basynan beri 2 mıllıonnan astam qashyqtan medıtsınalyq qyzmet kórsetildi.
-Densaýlyq saqtaý mınıstrliginiń aqparattyq júıesiniń derekterine sáıkes, bıylǵy jyldyń basynan beri Qazaqstannyń barlyq 20 óńirindegi 709 medıtsınalyq uıym halyqqa 23,1 mıllıonnan astam medıtsınalyq qyzmet kórsetti. Onyń ishinde 2,17 mıllıonnan astam qyzmet qashyqtan usynyldy. Telemedıtsınalyq qyzmetterdiń úlesi 9,4%-ǵa jetti. Bul tsıfrlyq tehnologııalardyń praktıkalyq densaýlyq saqtaý salasynda kezeń-kezeńimen damyp kele jatqanyn kórsetedi,-delingen habarlamada.
Telemedıtsınalyq tehnologııalar eń belsendi túrde Aqtóbe oblysynda (13,66%), Almaty qalasynda (12,42%), Batys Qazaqstan oblysynda (11,04%), Qyzylorda oblysynda (10,99%), Qaraǵandy oblysynda (10,95%), Pavlodar oblysynda (10,62%) jáne Túrkistan oblysynda (10,00%) qoldanylady.
Osyǵan deıin elimizde telemedıtsınany damytýǵa kedergi keltiretin negizgi máseleler atalǵan bolatyn.
