1 myńnan asa tehnıka jáne 3 myń jumysshy qar basqan elordany tazartyp jatyr
ASTANA. KAZINFORM — Astanada kúndiz qar tazalaý jumysyna 1 myńnan astam arnaıy tehnıka jumyldyryldy. Qazir kommýnaldyq qyzmetter kúsheıtilgen jumys rejımine kóshti.
Qala ákimdiginiń resmı saıty taratqan aqparatqa sáıkes qala kóshelerin qardan tazalaý jumysy úzdiksiz júrip jatyr.
8 jeltoqsan kúni tańerteńnen bastap elordanyń alty aýdanynda úsh myńǵa jýyq jol jumysshysy men myńnan astam arnaıy tehnıka qar kúreýge shyqty.
— Aldymen negizgi kóshe magıstraldary men qoǵamdyq kólik baǵyttary tazartylady. Osydan keıin qozǵalys qarqyndylyǵy ortasha ýchaskelerde — aýlalarda, alańdarda, trotýarlar men aıaldamalarda tazalaý jumysy júrgiziledi, — delingen habarlamada.
Astana ákimdigi qala turǵyndary men qonaqtaryn qaýipsizdik erejelerin saqtaýǵa, joldar men trotýarlarda barynsha saq bolýǵa, sondaı-aq qolaısyz aýa raıynda alys saparlarǵa shyqpaýǵa shaqyrady.
Budan buryn sınoptıkter aldaǵy kúnderi aýa raıy kúrt sýytatynyn aıtqan edi.