1 mıllıonǵa jýyq qazaqstandyqqa «Pfizer» vaktsınasy salyndy
NUR-SULTAN. QazAqparat - 1 sáýirdegi málimet boıynsha elimizde 1 mıllıonǵa jýyq jasóspirim, júkti jáne bala emizetin ana «Pfizer» vaktsınasymen egilgen, dep habarlaıdy QazAqparat Densaýlyq saqtaý mınıstrligine silteme jasap.
Vedomstvonyń málimetinshe, «Pfizer» osy sanattardaǵy 946 677 adamǵa egilgen. Atap aıtqanda, vaktsınanyń І komponentin saldyrǵan jasóspirim – 783 795, júkti áıel – 35 844, bala emizetin áıel – 127 038; ІІ komponentin saldyrǵan jasóspirim – 678 576, júkti áıel – 29 904, bala emizetin áıel – 104 892.
Aıta keteıik, buǵan deıin Qazaqstanda «Pfizer» vaktsınasyn saldyra alatyndar sanaty keńeıtilgen bolatyn.
