1 mıllıon teńgege deıin depozıtter ıelerinen ótemaqy úshin ótinish qabyldaý merzimi uzartyldy - Q.Kelimbetov
ASTANA. QazAqparat - Teńgeniń erkin baǵamyna oraı, 1 mıllıon teńgege deıingi depozıt ıelerinen ótinishter qabyldaý merzimi aǵymdaǵy jyldyń jeltoqsan aıyna deıin uzartyldy. Búgin Parlament Májilisiniń jalpy otyrysy aıasynda jýrnalısterge bergen suhbatynda QR Ulttyq Bankiniń Tóraǵasy Qaırat Kelimbetov osylaı málim etti.
«Búgingi kúni bir mıllıon teńgege deıin depozıtteri bar tulǵalar úshin ótinishter qabyldaý boıynsha barlyq bankter jumys jasaýda. Prezıdent Jarlyǵyna sáıkes, ótinishterdi qabyldaý 1 jeltoqsanǵa deıin uzartylady. Ulttyq bank atynan biz azamattardy tezirek qımyldaýǵa shaqyramyz. Óıtkeni qazan-qarasha aılarynda jumystyń negizgi bóligin bitirýge tıispiz», - dedi Q.Kelimbetov.
