1 maýsymnan Qazaqstanda syrttan alkogol ónimderin ákelýge jáne satýǵa tyıym salynady
ASTANA. QazAqparat - 1 maýsymnan Qazaqstanda syrttan alkogol ónimderin ákelýge jáne satýǵa tyıym salynady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR EBJM Syrtqy saýda qyzmeti departamentiniń dırektory Álııa Álimbetova málim etti.
«1 maýsymnan QR Tutynýshylardyń quqyǵyn qorǵaý agenttigi resmı túrde shetten alkogol ónimderin ákelýge jáne satýǵa tyıym engizedi»,- dedi ol. Departament basshysynyń atap ótýinshe, bul elimizde engizilgen 22 tehnıkalyq reglamentke baılanysty bolyp otyr. Atalǵan reglamentter 1 jyldan astam ýaqyt jumys isteýde. «Bul tehnıkalyq reglamentterge sáıkes kelmeıtin alkogol ónimderi aınalymnan alynyp, ákelýge shekteý qoıylady. Bul barlyq alkogol ónimderine qatysty», - dedi Á.Álimbetova.
