1 maýsymnan bastap «Skýter» aktsııasy bastalady
ASTANA. 30 mamyr. QazAqparat - 1 maýsymnan bastap respýblıkada «Skýter» aktsııasy bastalady, dep habarlady QR Kólik jáne kommýnıkatsııa mınıstrliginiń baspasóz qyzmetinen.
Sońǵy jyldary Qazaqstanda shaǵyn ólshemdi kemeler qataryna jatatyn katamaran, qaıyq, sýda júzýge arnalǵan mototsıkl (gıdrotsıkldar) sııaqty ártúrli júzýge arnalǵan quraldardy qoldanyp sýda demalý keńinen tarap keledi. Shaǵyn ólshemdi flottyń sany Qazaqstan akvatorııasynda sońǵy 5 jylda 50 paıyzǵa ósip, qazir shamamen 30 myńǵa jetti.
Sý qoımalaryndaǵy kemelerdiń qozǵalysy edáýir jıilep keledi, kemelerdiń qozǵalys jyldamdyqtary asa joǵary. Sonymen birge, manevr jasaý úshin edáýir keńistikti qajet etetin sý sportyna qyzyǵýshylyqtyń ulǵaıýy baıqalyp otyr. Sý joldaryndaǵy «keptelis» týraly aıtý áli erterek, degenmen «tehnıkanyń beriktigi» jáne «keme júrgizýshiniń saýattylyǵy» termınderi qaýipsizdigin qamtamasyz etý basym talaptardyń qataryna jatady.
Gıdrotsıklder dep atalatyn skýterlerdiń ıeleri sýda qozǵalýdyń qarapaıym erejesin jıi esten shyǵarady. Jelikpe keme júrgizýshileri jeke qaýipsizdik sharalaryn elemesten, sýǵa túsýshilerge tikeleı jaqyn jerlerdegi jaǵajaı aımaqtarynda qaýipti manevrler jasaıdy. Mundaı sýdaǵy attraktsıondy saýyqtar adamnyń ajalyna nemese múgedek bolyp qalýy sııaqty qaıǵyly oqıǵaǵa ákep soǵady. 2010 jyly shaǵyn ólshemdi flotta apattyń ósýi baıqaldy. Statıstıka boıynsha 14 adam qaza tapqan, 5 adam habarsyz ketken jáne 6 adam zardap shekken 14 oqıǵa tirkeldi.
Byltyrǵy jyldyń ózinde Qaraǵandy oblysyndaǵy Balqash kólinde sý mototsıkli ıeleriniń kemeni basqarý quqy joq tulǵalarǵa berý nátıjesinde sý mototsıklimen bolǵan oqıǵa saldarynan eki adam dene jaraqatyn alǵan jasyryn kólik oqıǵasynyń eki faktisi tergeldi. Budan basqa quqyq buzýshylyqtyń negizgi sebebi keme júrgizýshilerdiń normatıvtik quqyqtyq aktilerdi bilmeýi, mas kúıinde kemeni basqarýy, sondaı-aq qarapaıym qaýipsizdik erejelerin ustanbaýy bolyp otyr. Osyǵan oraı sýǵa túsý maýsymynyń bastalýyna baılanysty kóliktik baqylaý organdary shaǵyn ólshemdi kemelerdi paıdalaný qaýipsizdigine erekshe nazar aýdaryp otyr.
Byltyrǵy jyly azamattardyń oblys ortalyqtaryna shyǵýǵa múmkindigi bolmaǵandyqtan kóliktik baqylaý organdarynyń mamandary Qyzylorda oblysy boıynsha alys aýdandarda shaǵyn ólshemdi kemelerdi memlekettik tirkeý jáne tehnıkalyq kýálandyrý júrgizdi. Qaraǵandy oblysy boıynsha demalý aımaqtary sany jaǵynan kóp bolǵandyqtan, oblys ákimdiginiń qaýlysymen shaǵyn ólshemdi kemelerdi jáne olarǵa arnalǵan turaq bazasyn (qurylystardyń) qoldanýdyń jergilikti erejesi bekitildi jáne iske asyrylýda.
Kóliktik baqylaý organdary Tótenshe jaǵdaılar, Aýyl sharýashylyǵy jáne Densaýlyq saqtaý mınıstrlikterimen ózara is-qımyl josparyn iske asyrý boıynsha birlesken jumystardy júrgizýde, sýda bolǵan oqıǵalar týraly habarlaý júıesi quryldy jáne ol jumys jasaýda.
Kólik jáne kommýnıkatsııa mınıstrligi Kóliktik baqylaý komıtetiniń tóraǵasy Ádilet Barmenqulovtyń tapsyrmasyna sáıkes navıgatsııa bastalar aldynda óńiraralyq kóliktik baqylaý ınspektsııasynyń jáne respýblıka boıynsha olardyń barlyq fılıaldarynyń mamandarymen jyl saıyn demalý aımaqtarynyń jáne turaq-bazasynyń ıelerimen nusqama júrgiziledi jáne olardyń derbes jaýapkershilikteri bekitiledi.
Sonymen qatar QR Kólik jáne kommýnıkatsııa mınıstrligi Kóliktik baqylaý komıteti shaǵyn ólshemdi kemelerdiń qaýipsiz paıdalanylýyn retteıtin normatıvtik-quqyqtyq akti ázirlep, ony bekitý úshin QR Úkimetine joldady. Paıdalanýdyń kóp jylǵy tájirıbeni jáne shetel tájirıbesin eskere otyryp, shaǵyn ólshemdi kemelerdi jáne olardyń turaq bazasyn (qurylystardy) qoldaný, tehnıkalyq qadaǵalaýdy júrgizý tártibi, kólik oqıǵalaryn tergeý, kemelerdi memlekettik tirkeý jáne shaǵyn ólshemdi kemelerdi basqarýǵa keme júrgizýshilerdi attestatsııalaý qaǵıdalary jańartyldy.
Ústimizdegi jylǵy 1 maýsymnan bastap adamdar kóp demalatyn jerlerde joǵary jyldamdyqty, serýenge arnalǵan, sporttyq jáne basqa da shaǵyn ólshemdi kemelerdiń qaýipsiz paıdalanylýyn qamtamasyz etýdi baqylaýdy júzege asyrý bolyp tabylatyn jyl saıynǵy respýblıkalyq «Skýter» aktsııasy bastalady.
Aktsııa sýǵa túsý maýsymy boıy jalǵasady. Aktsııa barysynda óńiraralyq kóliktik baqylaý ınspektsııasynyń mamandary sý qoımalary aýmaǵynda, adamdar kóp jınalatyn jerlerde reıd júrgizedi, keme qujattaryn, qutqarý quraldarynyń bolýyn tekseredi.
Kóliktik baqylaý komıtetimen júrgiziletin is-sharalar qatarynda sýdaǵy qaýipsizdik máselelerinde azamattardyń ózderiniń qyraǵylyǵy aıtarlyqtaı ról atqarady.
