1 maýsymnan bastap egov.kz portalyna 1-synypqa qabyldaýǵa 1139 ótinim túsken

NUR-SULTAN. QazAqparat – Qazirgi ýaqytta Bilim jáne ǵylym mınıstrligi bilim júıesin tsıfrlandyryp jatyr. Bul týraly Bilim jáne ǵylym mınıstrligi uıymdastyrǵan onlaın brıfıngide aıtyldy, dep habarlaıdy QazAqparat tilshisi.

«Qazirgi ýaqytta Bilim jáne ǵylym mınıstrligi bilim júıesin, sonyń ishinde 1-synypqa qabyldaý júıesin tsıfrlandyryp jatyr. Qujatty elektrondy túrde qalaı tapsyrýǵa bolatynyn aıtyp óteıin. Egov.kz portalynda «Bilim» degen bólim bar. Ol birneshe baǵyt boıynsha bólingen. Elektrondyq qoltańbasy bar kez kelgen QR azamaty Egov.kz portalyna tirkelip, qujat tapsyra alady. Parolińizdi jazǵan soń jeke kabınetke kirip, qandaı qyzmet túri kerek ekenin tańdaısyz. Odan keıin qaı aýdan, qaı mektep ekenin tańdap, qujattardy tirkeısiz. Bul qujattar QR Bilim jáne ǵylym mınıstrliginiń júıesine túsedi», - dedi Bilim berý tsıfrlyq transformatsııalaý departamentiniń dırektory Qanat Kenbaı.

Ol 1 maýsym kúni 1-synypqa qabyldaýǵa 645 ótinim túskenin aıtty.

«Al 1 maýsymnan búginge deıin jalpy ótinim sany – 1139. Ótinimder Bilim jáne ǵylym mınıstrliginiń júıesinde óńdeledi. Balany birinshi synypqa tikeleı mekteptiń ózi qabyldaıdy, ıaǵnı osy júıege mekteptiń ózi kirip, óńdeıdi. Bul jerde Qazaqstandaǵy barlyq mektep kórsetilgen», - deıdi ol.