1 maýsymda otbasy qundylyqtaryn dáripteýge basa mán bergenimiz jón - sarapshy
«1 maýsym - halyqaralyq balalardy qorǵaý kúni deımiz. Degenmen, munyń ózi de - saýal týyndatatyn másele. Balalardy kimnen qorǵamaqpyz? Soǵys joq, adamnyń ar-ojdanyn taptap, quqyǵyn buzatyn jappaı oqıǵalar da oryn alǵan emes. Menińshe, balalardy eń aldymen ata-anasynan, ıaǵnı olardyń balalaryna durys tárbıe bere almaýynan qorǵaý qajet sııaqty», - dedi ol.
Onyń atap ótýinshe, kóptegen ata-ananyń boıynda oryndalmaı qalǵan arman, kishkentaı kezindegi ókpe-renish qalyp qoıǵan. Olardyń dál sol kompleksi balalaryn tárbıeleý isinde keri áserin tıgizip otyr.
«Sondyqtan eń aldymen Úkimet 1 maýsym kúninde otbasy qundylyqtaryn dáriptep, otbasyndaǵy ananyń, ákeniń, balanyń róline, uldy, qyzdy qalaı tárbıleý kerektigine qatysty sarapshylardy tarta otyryp, jumys júrgizýi qajet. Óıtkeni, dál osy máseleler - búgingi qoǵamymyzda óte ózekti bolyp otyr. Óıtkeni, qazir aqparattyq tehnologııalar óte jyldam damyǵan zaman. Jasóspirim ómiri ınternetpen bite qaınasyp, ajyramas bóligine aınalǵan. Balalarymyz ata-anadan emes, sol ınternetten tálim-tárbıe alyp jatyr. Bul - óte kúrdeli másele. Sondyqtan 1 maýsymda otbasy ınstıtýtyn dáripteýge basa mán bergen jón bolar edi», - dedi Ashat Ábjanov.
