1 maýsymda Qazaqstanda ótetin eń mańyzdy oqıǵalarǵa sholý
ASTANA
Saǵat 10-00-de QR Joǵarǵy sotynyń tóraǵasy Jaqyp Asanov elimizdiń joǵary sot organy janyndaǵy Halyqaralyq keńestiń kezekti otyrysyna tóraǵalyq etedi.
Dál osy ýaqytta «Dınamo» stadıonynyń bazasynda Halyqaralyq balalardy qorǵaý kúni men Qazaqstan elordasynyń 20 jyldyǵyna oraı «Baqytty balalyq kúzetinde» dep atalatyn balalarǵa arnalǵan sporttyq shara ótedi.
Al saǵat 10-30-da Dúnıejúzilik shashyrańqy skleroz kúnine oraı baspasóz konferentsııasy uıymdastyrylady.
Saǵat 11:00-de Táýelsizdik saraıynda Memleket basshysy Nursultan Nazarbaevtyń qatysýymen «Nur Otan» partııasy Saıası keńesiniń keńeıtilgen otyrysy ótedi.
Astana qalasy ákimdiginiń qoldaýymen Halyqaralyq balalardy qorǵaý kúnine oraılastyrylǵan balalar men jastardyń mýzykalyq orkestrleri jáne ansamblderiniń sherýi de osy ýaqytta bastalmaq.
Al araǵa jarty saǵat ýaqyt salyp, Qazaqstannyń Ulybrıtanııadaǵy Elshisi Erlan Ydyrysov qazaq-brıtan qarym-qatynastarynyń ózekti máselelerine qatysty brıfıng ótkizedi.
Memleket basshysy N.Nazarbaevtyń qatysýymen Nazarbaev Ýnıversıteti IV túlekteriniń oqý bitirý saltanatty rásimi de ótedi.
Saǵat 14:00-de Halyqaralyq balalardy qorǵaý kúnine oraı Respýblıkalyq dıagnostıkalyq ortalyǵy pedıatrııa bóliminiń dárigerleri Astanadaǵy SOS Balalar aýylyna barady.
Al saǵat 15:00-de Soluxe hotel Astana qonaq úıinde «Bir beldeý - bir jol» baǵdarlamasyn júzege asyrý aıasynda Qazaqstan men Qytaı ókilderiniń qatysýmen dóńgelek ústel uıymdastyrylady.
19.00-de «Etnoaýyl» ulttyq-mádenı kesheniniń ashylý saltanaty ótedi.
ALMATY
Saǵat 09:00-de Almatydaǵy «Dınamo» stadıonynda Halyqaralyq balalardy qorǵaý kúnine arnalǵan sporttyq buqaralyq túrleri boıynsha 14-shi qalalyq spartakıada saltanatty túrde ashylady.
Bir saǵattan keıin ońtústik astanadada balalar men jastardyń mýzykalyq orkestrleri jáne ansamblderiniń sherýi ótedi.
Saǵat 11:00-de «Lumiera Cinema» kınoteatrynda Almaty qalasy etnomádenı birlestikteriniń kópbalaly otbasylaryna shyqqan balalarǵa arnalǵan qaıyrymdylyq sharasy uıymdastyrylady.
Saǵat 15:00-de tanymal tarıhshy, QR UǴA qurmetti akademıgi, tarıh ǵylymdarynyń doktory, professor Talas Omarovtyń 70 jyldyq mereıtoıyna arnalǵan «Qazaqstan tarıhyna jańa kózqarastar» atty halyqaralyq ǵylymı-tájirıbelik konfedertsııa jumysyn bastaıdy.
ATYRAÝ OBLYSY
Saǵat 9.00-de kanoede qalalyq birinshilik ótedi.
Saǵat 10.00-de Halyqaralyq balalar kúnine oraı Isataı-Mahambet alańynda munaıly astananyń mýzykalyq orkestrleri men bı ansamblderiniń saltanatty sherýi ótedi.
Saǵat 10.00-de ortalyq dene shynyqtyrý-saýyqtyrý kesheninde «Ákem, anam jáne men» otbasylyq sporttyq saıysy uıymdastyrylady.
Saǵat 19.00-de Q.Smaǵulov alańynda Street Workout týrnıriniń fınaly bolady.
QYZYLORDA OBLYSY
Saǵat 9:30-da Qyzylorda qalasyndaǵy Óner arbatynda Halyqaralyq balalardy qorǵaý kúnine oraı «Bala - baqyt baqshasy» ataýymen mádenı-kópshilik sharalary bolady.
Saǵat 10:00-de Qyzylordada Halyqaralyq balalardy qorǵaý kúnine oraı Qyzylorda oblysy bilim basqarmasynyń uıymdastyrýymen Dosty úıi men ortalyq alań aralaǵynda balalar men jastardyń mýzykalyq orkestrleri men ansamblderiniń sherýi ótkiziledi.
OŃTÚSTІK QAZAQSTAN OBLYSY
Saǵat 08:45-te Q.Muńaıtpasov atyndaǵy ortalyq stadıonda Halyqaralyq balalardy qorǵaý kúnine oraı «Shabyt» sherýi ótedi. Oǵan 200 myńǵa jýyq oqýshy qatysýy josparlanýda.
Saǵat 11.00-de Báıdibek aýdandyq mádenıet úıinde «Rýhanı jańǵyrý» baǵdarlamasy aıasynda túsirilgen «Báıdibek baba» týraly 10 mınýttyq anımatsııalyq fılminiń tusaý keseri ótedi. Anımatsııalyq mýltfılmge jergilikti bıýdjet esebinen 13 mln 800 myń teńge qarjy bólingen.
