1 maýsymda Astanada shomylý maýsymy bastalady
ASTANA. QazAqparat - 1 maýsymda Astanada shomylý maýsymy bastalady, dep habarlaıdy elorda ákimdiginiń resmı saıty.
Jaz belsendi demalys maýsymy: balyq, ań aýlaý, sýdyń janynda tabıǵat aıasynda nemese jaǵajaıda demalý. Sýǵa ketýmen baılanysty qaıǵyly jaǵdaılardyń basym bóligi de jazda oryn alady. Astana qalasy TJD Sýda qutqarý qyzmetiniń habarlaýynsha, jyl saıyn Astanada 14-25 adam sýǵa ketip qaıtys bolady, sonyń ishinde balalar men jasóspirimder. Zardap shekkenderdiń jalpy sanynyń 70-75% 30 jasqa deıingiler, al 20-30% balalar men jasóspirimder.
2014 jyly Astana qalasy aýmaǵynda 25 adam sýdan qutqaryldy onyń ekeýi balalar, sýǵa batyp qaza bolǵandar sany 25 adamdy qurady. Aıta keteıik, qaıǵyly oqıǵalardyń basym bóligi mas kúıde shomylýdyń, sýdaǵy ózin-ózi ustaý erejelerin bilmeýdiń jáne saqtamaýdyń saldarynan oryn alady. Sýǵa batqandardyń barlyǵy sýǵa shomylýǵa arnalǵan jerden bólek jerde bolǵan: 16 sýǵa shomylýǵa arnlamaǵan jerlerde, sý qurylǵylarynan ótý kezinde 4 adam, 2 jaǵdaı balalardyń ólimi úlkenderdiń qaraýynsyz qalǵandar.
Aǵymdaǵy jyly sýǵa 5 adamnyń batyp ketý jaǵdaıy tirkeldi. 8-9 mamyrda er adam - 1987 j.t. (sýıtsıd), 1989 j.t jáne 1990 j.t. (ótkeldi ótý kezinde); qyz bala - 2005 j.t. (ata-analarymen demalý kezinde shuńqyrǵa qulap ketken); 15 mamyrda - ul bala 2006 j.t. (úlkenderdiń qaraýynsyz).
Shomylý kezeńi 1 maýsymnan bastalady.
Deni saý, shynyqqan adamdardyń qaýipsiz shomylýy úshin sýdyń temperatýrasy +18°S, aýa temperatýrasy +22°S bolý kerek.
Astana qalasynyń TJD Sýda qutqarý qyzmeti eskertedi: qazir Esil ózeniniń ústińgi qabaty ǵana jylynǵan, onyń ózi +15 S qana, sýdyń astyńǵy qabatynyń temperatýrasy +5- +7 S qana. Salqyn sýǵa shomylýdyń, ásirese súńgýdiń saldarynan qan tamyrlary jıyrylyp, bulshyq etter qysqarady, nátıjesinde adam esinen tanyp, tynysy men júregi toqtap qalýy múmkin.
