1 maýsymda Astanada 20-dan astam shara uıymdastyrylady
ASTANA. QazAqparat - Elordada Halyqaralyq balalardy qorǵaý kúnine oraılastyrylǵan merekelik kontsertke qyzý daıyndyq júrip jatyr. 1 maýsymda Astanada 20-dan astam shara uıymdastyrylady, dep habarlaıdy ákimdiktiń baspasóz qyzmetinen.
Kúni boıy Táýelsizdik saraıynda ashyq esik kúni, «Bala - memlekettiń bolashaǵy» kórmesi ótkiziledi, al «Aljır» murajaıynda «My soskýchılıs po materınskım rýkam» taqyrybynda dáris oqylady.
Tańerteń saǵat 10.00 QR Qarjy mınıstrliginiń aldyndaǵy jáne Oqýshylar saraıynyń aldyndaǵy alańdarda, Astanalyq parkte jáne Stýdenttik parkte merekelik oıyn-saýyq baǵdarlamasy bastalady.
Astanalyq parkte áleýmettik jaǵdaıy tómen otbasylardan shyqqan balalarǵa kómek kórsetý úshin «Balalardyń kúlkisi» jáne «Baqyttyń bári balalarǵa» qaıyrymdylyq jármeńkeleri ótedi. Aqbulaq ózeniniń jaǵasynda Street Workout-pen jattyǵýǵa arnalǵan alǵashqy arnaıy alań ashylady. Sonymen qatar, jastar «Astana Arena» stadıonynyń janyndaǵy alańda Open Air jáne «Bolashaq energııasy EXPO-2017» shoý-kontsertin tamashalaıdy.
«Alaý» muz saraıynda qyzyqty oıyn-saýyq baǵdarlamasy, elordalyq úzdik bı ujymdary, anımatorlar, boıshań qýyrshaqtar, estafetalar men baıqaýlar kishkentaı astanalyqtarǵa keremet kóńil kúı syılaıdy.
Eske salaıyq, jyl saıyn 1 maýsymda Halyqaralyq balalardy qorǵaý kúni atalyp ótiledi. Atalǵan mereke 1949 jyly qarashada Parıjde Áıelderdiń Halyqaralyq Demokratııalyq Federatsııasynyń sheshimimen bekitildi. Alǵash ret bul mereke 66 jyl buryn atalyp ótken bolatyn.
