1 maýsymda Almatyda balalar qoǵamdyq kólikte tegin júredi

ALMATY. QazAqparat – Búgin Almatyda balalar qoǵamdyq kólikte tegin júretin boldy, dep habarlaıdy QazAqparat tilshisi.

«1 maýsym - halyqaralyq balalardy qorǵaý kúnine oraı 7-15 jas aralyǵyndaǵy balalar qoǵamdyq kólikte tegin júredi», - dep habarlady Almaty qalalyq mobıldilik basqarmasy.

Halyqaralyq balalardy qorǵaý kúni 1949 jyly halyqaralyq áıelder demokratııalyq federatsııasy kongresiniń sheshimimen bekitilgen jáne 1950 jyldan bastap júıeli túrde atap ótilip keledi.

Mundaı merekeni belgileý ıdeıasy alǵash ret 1925 jyly Jenevadaǵy balalardyń ál-aýqatyna arnalǵan búkilálemdik konferentsııada aıtyldy.

Bir ǵasyrǵa jýyq tarıhy bar merekeni táýelsiz Qazaqstan da jyl saıyn atap ótedi.