1 maýsym kúni el aýmaǵynda aýa raıy qandaı bolady

NUR-SULTAN. QazAqparat - 1 maýsymda Qazaqstannyń basym bóligine Sibir tsıklony áser etedi, sondyqtan aýa raıy turaqsyz bolady. Naızaǵaı jarqyldaıdy, daýyl turyp, burshaq jaýady, dep habarlaıdy QazAqparat.

Qazgıdromettiń málimetinshe, respýblıkanyń batysy men soltústik-batysynda ǵana Soltústik antıtsıklonnyń áserinen jaýyn-shashynsyz aýa raıy saqtalady. El boıynsha jel kúsheıedi.

Qaraǵandy oblysynyń soltústiginde, shyǵysynda naızaǵaı jarqyldap, burshaq jaýady, daýyl turady. Jeldiń ekpini 15-20 m/s jetedi, kúndiz - 23 m/s.

Kúndiz Jambyl oblysynyń soltústiginde, ońtústiginde, taýly aýdandarynda kún kúrkirep, burshaq jaýady. Tańerteń jáne kúndiz óńirdiń soltústik-shyǵysynda, taýly aýdandarynda jel jyldamdyǵy 15-20 m/s deıin kúsheıedi.

Pavlodar oblysynyń soltústik-shyǵysynda - naızaǵaı, burshaq, daýyl bolady. Kúndiz jel qarqyny - 15-20 m/s, kúndiz oblystyń shyǵysynda 23 m/s jetedi.

Aqmola oblysynyń soltústiginde, shyǵysynda naızaǵaı jarqyldaıdy, burshaq jaýyp, daýyl turady. Oblystyń shyǵysynda, ońtústiginde jeldiń kúshi 15-20 m/s jetedi.

Soltústik Qazaqstan oblysynyń soltústiginde, shyǵysynda - naızaǵaı, burshaq, daýyl, kúndiz basym bóliginde jeldiń kúshi - 15-20 m/s, kúndiz ekpini - 25 m/s.

Almaty oblysynyń soltústiginde, shyǵysynda, taýly aýdandarynda naızaǵaı oınap, oblystyń shyǵysynda jel - 17-22, ekpini 27 m/s deıin kúsheıedi.

Qostanaı ​​oblysynyń shyǵysynda túnde kún kúrkireıdi. Kúndiz jel jyldamdyǵy 15-20 m/s jetedi.

Kúndiz Qyzylorda oblysynyń ortalyǵynda, ońtústiginde, Mańǵystaý oblysynyń soltústiginde jel qarqyny 15-20 m/s deıin kúshleıip, shańdy daýyl soǵady.

Shyǵys Qazaqstan oblysynyń ońtústiginde, shyǵysynda naızaǵaı oınaıdy, jel ekpini - 15-20 m/s.

Kúndiz Túrkistan oblysynyń taýlarynda - naızaǵaı, daýyl. Kún kúrkiregen kezde jeldiń jyldamdyǵy 15-20 m/s jetedi.