1 maýsym astanada respýblıkalyq balalar festıvali ótedi

NUR-SULTAN. QazAqparat – Merekelik kontsertte el aımaqtarynan kelgen 800-ge jýyq bala jáne estrada juldyzdary óner kórsetedi, dep habarlaıdy QazAqparat.

«Balapan álemi» festıvali 1 maýsym - halyqaralyq balalardy qorǵaý kúni merekesine arnalyp otyr.

Mádenı shara saǵat 11:00-de Nur-Sultan qalasy Esil ózeni jaǵasyndaǵy amfıteatrda ótpek.

Uıymdastyrýshylardyń aıtýynsha, kontserttik baǵdarlamada el aımaqtarynan kelgen 800-ge jýyq talantty bala jáne estrada juldyzdary óner kórsetedi.

«Festıval aıasynda amfıteatr aýmaǵynda ulttyq sport jáne oıyn-saýyq alańdary uıymdastyrylyp, asfaltqa sýret salý baıqaýy ótedi. Sonymen qatar «Balapan» álemi» kitap kórmesi men astanalyq mektepishilik qolóner úıirmeleri men sheber balalar daıyndaǵan qolóner buıymdarynyń jármeńkesi uıymdastyrylady. Odan bólek, shara aıasynda balalar kóńildi anımatorlar men tsırk ártisteriniń ónerin tamashalaı alady» delingen habarlamada.

Festıval barysynda Aqtaý, Jezqazǵan, Qyzylorda jáne Semeı qalalaryndaǵy balalarǵa arnalǵan is-sharalardan tikeleı qosylym jasalady.

Merekelik kontsertti elorda turǵyndary men qonaqtary tegin tamashalaı alady.

Telearna kórermenderi úshin «Balapan Álemi» festıvali «Balapan» telearnasynan saǵat 12:00-den bastap tikeleı efırde kórsetiledi.

Aıta keteıik, atalǵan merekelik sharany «Balapan» telearnasy Nur-Sultan qalasy ákimdigimen birlesip uıymdastyryp jatyr.