1 maýsym. Tulǵalar týǵan kún

Búgin, 1 maýsymda tulǵalardan kimder dúnıege kelgen? QazAqparat oqyrmandar nazaryna esimder kúntizbesin usynady.

ESІMDER

74 jyl buryn (1950) ánshi, Qazaqstannyń halyq ártisi, Qazaqstan Memlekettik syılyǵynyń laýreaty Qaırat Áýkenuly BAIBOSYNOV dúnıege keldi.

Qaraǵandy oblysy Jańaarqa aýdanynda týǵan. Almaty estrada-tsırk stýdııasyn bitirgen.

1969-1988 jyldary «Gúlder» ansambliniń ánshisi ári Almaty estrada-tsırk stýdııasynyń oqytýshysy, 1988-1999 jyldary Almaty konservatorııasynyń aǵa oqytýshysy, dotsenti, kafedra meńgerýshisi, Respýblıkalyq estrada-tsırk kolledjiniń dırektory bolǵan. Qurmanǵazy atyndaǵy konservatorııanyń professory. Umyt bolǵan, sırek oryndalatyn ánderdi halyq arasyna taratýda eleýli eńbek etti. Kontserttik saparmen AQSh, Japonııa, Germanııa, Frantsııa Ispanııa, Italııa, Bırma, Sıngapýr, t.b. elderde bolyp, ulttyq ónerimizdi shetel tyńdaýshylaryna tanytty.

62 jyl buryn (1962) Májilis depýtaty, Qazaqstan Respýblıkasy Parlamenti Májilisiniń Ekonomıkalyq reforma jáne óńirlik damý komıtetiniń tóraǵasy Nurtaı Salıhuly SABILЬıANOV dúnıege keldi.

Semeı oblysy Aıagóz aýdany Shyńqoja aýylynda týǵan. Almaty halyq sharýashylyǵy ınstıtýtyn jáne Qazaq memlekettik zań ýnıversıtetin bitirdi.

Eńbek jolyn 1979 jylǵy shilde aıynda Aıagóz aýdanynyń «Naryn» keńsharyndaǵy «Orbıta» komsomol-jastar brıgadasynda bastady. 1980-1982 jyldary Sovet Armııasy qatarynda qyzmetin ótedi. 1983 jyly «Naryn» keńsharynda qurylys ýchaskesiniń jumysshysy boldy. 1988-1990 jyldary Almaty elektrotehnıkalyq zaýytynda ekonomıst bolyp jumys istedi. 1990-2004 jyldary «Saryarqa» aktsıonerlik qoǵamynda («Saryarqa-Alýan» JShS) bas býhgalter, al 1996 jyldan bastap qarjy jónindegi vıtse prezıdent-bas býhgalter, basqarma múshesi boldy. 2004-2007 jyldary úshinshi saılanǵan QR Parlamenti Májilisiniń depýtaty, ShQO (Aıagóz, Jarma, Úrjar aýdandary) № 25 saılaý okrýgi boıynsha saılandy. 2007-2011 jyldary tórtinshi saılanǵan QR Parlamenti Májilisiniń depýtaty, «Nur Otan» HDP-nyń partııalyq tizimi boıynsha saılandy. 2012-2016 jyldary besinshi saılanǵan QR Parlamenti Májilisiniń depýtaty, «Nur Otan» HDP-nyń partııalyq tizimi boıynsha saılandy. 2016-2021 jyldary altynshy saılanǵan QR Parlamenti Májilisiniń depýtaty, «Nur Otan» partııalyq tizimi boıynsha saılandy. 2016-2021 jyldary QR Parlament Májilisi VI shaqyrylym depýtaty, ekonomıkalyq reforma jáne óńirlik damý komıtetiniń tóraǵasy, 2021-2022 jyldary «Saryarqa-Alýan» JShS Basqarma múshesi, 2021 jylǵy qańtardan – «Saryarqa-Alýan» JShS Basqarma tóraǵasy, 2022 jyldyń maýsymynan QR Prezıdenti janyndaǵy Ulttyq quryltaı múshesi.

Qazirgi qyzmetin 2023 jyldyń naýryzynan atqaryp keledi.

61 jyl buryn (1963) Astana qalasy Tekserý komıssııasynyń tóraǵasy Imanjúsip Latkenuly AQPOMBAEV dúnıege keldi.

Pavlodar oblysynda týǵan. 1981 jyly Pavlodar esep-ekonomıkalyq tehnıkýmyn aýyl sharýashylyǵyndaǵy býhgalterlik esep mamandyǵy býhgalter biliktiligi boıynsha, 1987 jyly A.V. Hrýlev atyndaǵy Qyzyl juldyz ordeni atyndaǵy ıAroslav joǵary áskerı qarjy ýchılışesin áskerdi valıýtalyq-kassalyq jáne nesıe-eseptesý qamsyzdandyrý mamandyǵy ekonomıst-qarjyger biliktiligi boıynsha, 2001 jyly T. Rysqulov atyndaǵy Qazaq ekonomıkalyq ýnıversıtetin býhgalterlik esep jáne aýdıt mamandyǵy ekonomıst biliktiligi boıynsha bitirgen.

Eńbek jolyn 1981 jyly Pavlodar oblysy Jelezınskıı aýdany Prıırtyshskıı aýylynda býhgalter retinde bastaǵan. 1981-1983 jyldary merzimdi áskerı qyzmette bolǵan. 1987-1990 jyldary Membank dalalyq mekemesiniń kassa bastyǵy (Germanııa, Drezden q.), 1990-1992 jyldary Membank dalalyq mekemesiniń Batys áskerı tobynyń aǵa býhgalteri, bas býhgalteri (Germanııa, Grımma q.), 1992-1993 jyldary RF Ortalyq banki dalalyq mekemesiniń bas býhgalter orynbasary – operatsııalyq tobynyń bastyǵy (Baıqońyr q.), 1993 jyly Pavlodar qalasy Ilıchevsk aýdandyq áskerı komıssarıatynyń bólimshe bastyǵynyń kómekshisi, 1993-1998 jyldary Pavlodar oblystyq áskerı komıssarıatynyń qarjy jáne áleýmettik qamsyzdandyrý bólimshesiniń bastyǵy, 1998-2014 jyldary QR Qorǵanys mınıstrligi Ekonomıka jáne qarjy departamentiniń uıymdastyrý-josparlaý, aqshalaı jabdyqtalym, býhgalterlik esep jáne eseptilik basqarmasy basshysynyń orynbasary, basqarma basshysy, Ekonomıka jáne qarjy departamentiniń basshysy, QR Qorǵanys mınıstriniń ekonomıka jáne qarjy jónindegi orynbasarynyń mindetin ýaqytsha atqarýshy, QR Qorǵanys mınıstriniń orynbasary qyzmetin atqarǵan. 2014-2018 jyldary Respýblıkalyq bıýdjettiń atqarylýyn baqylaý jónindegi esep komıtetiniń múshesi bolǵan. 2018-2019 jyldary Astana qalasy boıynsha Tekserý komıssııasynyń tóraǵasy qyzmetin atqardy.

2019 jyldyń naýryzynan bastap qazirgi qyzmetinde.

ІІ dárejeli «Aıbyn» ordenimen, eńbek sińirgen jyldary úshin 14 mereıtoılyq medalmen marapattalǵan.

51 jyl buryn (1973) Almaty qalalyq sotynyń sýdıasy Talǵat Qojanuly BARATBEKOV dúnıege keldi.

Shymkent (qazirgi Túrkistan) oblysynda týǵan. 1998 jyly Taldyqorǵan zań ınstıtýtyn bitirgen, advokat.

Eńbek joly: 1992-1994 jyldary Ońtústik Qazaqstan oblysynyń «Tólebı» sharýa qojalyǵynyń qyzmetkeri, 1994-1995 jyldary OQO Tólebı halyq sotynyń sot oryndaýshysy, 1995-1997 jyldary Ońtústik Qazaqstan oblysynyń ádilet basqarmasynyń zańdy tulǵalardy tirkeý bóliminiń jetekshi mamany, bas maman, bólim bastyǵy, 1997 jyly Sottardyń jumysyn uıymdastyrý bóliminiń jetekshi mamany jáne konsýltanty, 1997-1998 jyldary Ádilet departamentiniń jetekshi maman keńesshisi – Ońtústik Qazaqstan oblysy atqarýshylyq qyzmet departamentiniń dırektory, 1998-1999 jyldary Ońtústik Qazaqstan oblysy Ádilet departamentiniń zańdy tulǵalardy tirkeý bóliminiń bastyǵy, 1999-2000 jyldary Almaty qalasy Ádilet departamentiniń zańdy tulǵalardy tirkeý bóliminiń bastyǵy qyzmetinde boldy. 2000-2002 jyldary Almaty oblysynyń Ádilet basqarmasynyń bastyǵy, bastyq orynbasary, 2002-2005 jyldary Almaty qalasynyń mamandandyrylǵan aýdanaralyq ekonomıkalyq sotynyń sýdıasy, 2005-2008 jyldary Shymkent qalasy Abaı aýdandyq sotynyń tóraǵasy, 2008-2009 jyldary Ońtústik Qazaqstan oblysynyń mamandandyrylǵan aýdanaralyq ekonomıkalyq sotynyń tóraǵasy, 2009-2011 jyldary QR Bas prokýratýrasy departament bastyǵy, bólim bastyǵy, bólim bastyǵynyń orynbasary, 2011-2014 jyldary Astana qalasy prokýrorynyń orynbasary, 2014-2015 jyldary Almaty oblystyq sotynyń azamattyq jáne ákimshilik ister jónindegi apellıatsııalyq sot alqasynyń tóraǵasy, 2015-2017 jyldary QR Joǵarǵy Sotynyń sýdıasy, 2017-2018 jyldary Ońtústik Qazaqstan oblystyq sotynyń tóraǵasy, 2018-2020 jyldary Túrkistan oblystyq sotynyń tóraǵasy qyzmetin atqarǵan.

2020 jyldyń qazanynan bastap qazirgi qyzmetinde.

41 jyl buryn (1983) «Narhoz ýnıversıteti» KEAQ prezıdenti (basqarma tóraǵasy) Mıras Muhtaruly DÁÝLENOV dúnıege keldi.

Shyǵys Qazaqstan oblysy Óskemen qalasynda dúnıege kelgen. S. Amanjolov atyndaǵy Shyǵys Qazaqstan memlekettik ýnıversıtetin támamdaǵan, quqyqtaný magıstri, quqyq salasyndaǵy doktor (PhD).

Eńbek jolyn 2003 jyly bastaǵan. Ár jyldary zańger retinde jeke sektorda jumys istegen. 2012 jylǵy tamyzda «Qazaq Gýmanıtarlyq Zań ýnıversıteti» AQ Halyqaralyq quqyq jáne halyqaralyq qatynastar kafedrasynyń meńgerýshisi laýazymyna taǵaıyndaldy. 2015-2018 jyldary M. S. Nárikbaev atyndaǵy KAZGıÝÝ ýnıversıtetiniń S. Zımanov atyndaǵy irgeli jáne qoldanbaly zertteýler Akademııasynyń dırektory – Basqarma Tóraǵasynyń orynbasary, 2018-2019 jyldary M.S. Nárikbaev atyndaǵy QazMZÝ ýnıversıtetiniń S. Zımanov atyndaǵy quqyqtyq jáne ekonomıkalyq zertteýler akademııasynyń dırektory, 2019-2021 jyldary QR Bilim jáne Ǵylym vıtse-mınıstri laýazymyn atqarǵan

2021 jyldyń mamyr aıynan bastap qazirgi qyzmetinde.

84 jyl buryn (1940-2010) ádebıet zertteýshisi, jazýshy, fılologııa ǵylymdarynyń doktory, Qazaqstannyń eńbek sińirgen tehnıka jáne ǵylym qaıratkeri Rymǵalı Nurǵalıuly NURǴALIEV dúnıege kelgen.

Shyǵys Qazaqstan oblysynda týǵan. Ál-Farabı atyndaǵy Qazaq ulttyq ýnıversıtetin bitirgen.

1968-1986 jyldary osy ýnıversıtettegi fılologııa fakýltetiniń dotsenti, professory, dekany qyzmetterin atqarǵan. 1986-1997 jyldary Qazaq entsıklopedııasynyń bas redaktory, Qazaqstan Jazýshylar odaǵynyń hatshysy, Termınologııa, onomastıka jáne memlekettik syılyqtar jónindegi memlekettik komıssııanyń múshesi boldy. Onyń basshylyǵymen «Qazaq KSR: Qysqasha entsıklopedııa», «Balalar entsıklopedııasy», «Qaraǵandy», «Almaty», «Abaı», «Islam» entsıklopedııalary shyqty. Ádebı zertteý eńbekteri ulttyq dramatýrgııanyń damý tendentsııalary men teorııalyq máselelerine arnalǵan. Negizgi zertteýleri «Sabyr Sháripov. Ómiri men shyǵarmashylyǵy» (B. Kenjebaevpen birge), «Tragedııa tabıǵaty», «Talant taǵdyry», «Kúretamyr. Qazaq dramatýrgııasynyń poetıkasy», «Óner aldy - qyzyl til», «Qazaq dramatýrgııasy», «M. Áýezov jáne Alash». Onyń «Dán», «Jartastaǵy qaraǵaı», «Atshabys erteń», «Oq» prozalyq jınaqtary bar. Sondaı-aq L. Tolstoıdyń «Ázázil» povesin, N.F. Pogodınniń «Saltanat jyryn» qazaq tiline aýdarǵan. 300-den astam jumysy Frantsııa, Túrkııa, Úndistan, Qytaı jáne basqa da memleketterde basylyp shyqqan.

«Parasat» ordenimen, medaldarmen marapattalǵan.