1 mamyrda elorda turǵyndary úshin sporttyq sharalar uıymdastyrylady
ASTANA. QazAqparat - Qazaqstan halqynyń birligi kúni aıasynda elordalyqtar úshin birqatar iri merekelik sharalar ótkiziledi. Dástúrli merekelik kontsertter men halyqtyq serýenderden ózge, qala turǵyndary men qonaqtary úshin sporttyq jarystar uıymdastyrylady, dep habarlady qalalyq ákimdiktiń baspasóz qyzmetinen.
1 mamyr kúni saǵat 10.00-de «Qazaq Eli» monýmenti aldyndaǵy alańda sporttyq sharalar ótkiziledi. Qazaq kúresi, arqan tartý, buqa tartys, gir kóterý, qol kúres sekildi sport túrlerinen jarystar ótedi. Kez-kelgen turǵyn atalmysh sharaǵa qatysyp, kúsh synasa alady. Jeńimpazdar men júldegerler baǵaly syılyqtarǵa ıe bolady, sonyń ishinde turmystyq tehnıkalar da bar. 1 mamyr kúni kontserttik baǵdarlama saǵat 11:00-23:00 aralyǵynda ótip, otshashýmen aıaqtalady. Atap aıtqanda, túngi otshashý Esil ózeniniń jaǵalaýynda, «Han Shatyr» SOO aýmaǵynda, «Arman» dúkeniniń mańyndaǵy «Jas batyr» stadıonynda, «Music hall» meıramhanasynyń janynda jáne Abylaı han dańǵyly men Pýshkın kóshesiniń qıylysyndaǵy gúlzarda atylady.
