1 mamyrda astanalyqtar úshin buqaralyq serýender uıymdastyrylady

ASTANA. QazAqparat - Astana qalasy Mádenıet basqarmasynyń habarlaýynsha, 1 mamyrda qalada túrli deńgeıdegi 200 astam shara, sonyń ishinde 35 iri mádenı shara ótpek, dep habarlaıdy elorda ákimdiginiń resmı saıty.

Qazaqstan halqynyń birligi kúni aıasynda elordada «Báıterek» monýmenti, «Stýdenttik», «Ǵashyqtar» saıabaqtarynda, qalalyq ákimdik aldyndaǵy alańda, Esil ózeniniń jaǵalaýynda jáne «Jastar» saraıynyń aldynda halyqtyq serýender uıymdastyrylady. Aımaqtyq etnomádenı birlestikter de ózderiniń shyǵarmashylyq ónerlerin ortaǵa salady.

Qazaqstan halqynyń birligi kúnine arnalǵan basty merekelik sharalar qatarynan úsh alańda (qalalyq ákimdiktiń aldyndaǵy alańda, Ǵashyqtar saıabaǵynda jáne «Báıterek» monýmentiniń janynda) LED-monıtorlar arqyly kórsetiledi.

Sonymen qatar, 1 mamyr kúni qala turǵyndary úshin Q. Qýanyshbaev atyndaǵy qazaq mýzykalyq drama teatrynda saǵat 18:30 jáne M. Gorkıı atyndaǵy orys drama teatrynda saǵat 18:00 «Jubaılar jumbaǵy» men «Hanýma» atty sahnalyq qoıylymdar kórsetiledi.

Sáýirdiń 30-nan bastap mamyrdyń 4-ne deıin saǵat 10:00-18:00 aralyǵynda S. Seıfýllın atyndaǵy murajaıda «Bereke basy - dostyq» atty kórme men 2015 jyldyń 15 mamyrynda Kongress-hollda Astana qalasy ákimdiginiń fılarmonııasy saǵat 19:00 «Shalqyma» bı ansambliniń «Dostyq poezııasy» atty kontsertin uıymdastyrady.

1 mamyr kúni kontserttik baǵdarlama saǵat 11:00-23:00 aralyǵynda ótedi.