1 mamyrda Astanada joldardaǵy qozǵalys jartylaı shekteledi
ASTANA. QazAqparat - Merekelik sharalarǵa daıyndyq jumystaryn ótkizýge baılanysty Astana qalasynda 23-30 sáýir aralyǵynda Táýelsizdik dańǵylynyń boıynda A. Baıtursynov kóshesinen J. Nájimedenov kóshesine deıingi joldarda qozǵalys jartylaı shekteledi, dep habarlady astana.gov.kz resmı saıty.
1 mamyr kúni saǵat 7.00-13.00 aralyǵynda Táýelsizdik dańǵyly, B. Momyshuly dańǵylynan Sh. Qaldaıaqov kóshesine deıin, Sh. Qaldaıaqov kóshesi M-3 jolaıyryǵynan Obaǵan kóshesine deıin, R. Qoshqarbaev kóshesi B. Momyshuly dańǵylynan Sarykól kóshesine deıin, Aınakól kóshesi Sarykól kóshesinen J. Nájimedenov kóshesine deıin joldar jabylady.
Merekelik sharalar ótkizilgen ýaqytta 1 mamyr kúni qoǵamdyq kóliktiń qozǵalys kestesine de ózgertýler engiziledi:
№3 baǵyttaǵy avtobýstyń qozǵalys kestesi Táýelsizdik dańǵylynan R. Qoshqarbaev kóshesine deıin shektelip, B. Momyshuly dańǵylynan burylady jáne M. Jumabaev kóshesi arqyly «Saraıshyq» TA deıin júredi. Keri qaıtarda R. Qoshqarbaev kóshesi arqyly júredi.
№ 4, 14 baǵyttaǵy avtobýstardyń qozǵalysy Táýelsizdik dańǵylynan R. Qoshqarbaev kóshesine deıin shekteledi;
№19, 40 baǵyttaǵy avtobýstardyń qozǵalysy Táýelsizdik dańǵylynan R. Qoshqarbaev kóshesine deıin shektelip, B. Momyshuly dańǵylynda M-1 kópiri arqyly keri burylady;
№ 21 baǵyttaǵy avtobýstyń qozǵalysy Syǵanaq kóshesinen Orynbor kóshesine deıin shekteledi;
№ 32 baǵyttaǵy avtobýstyń qozǵalysy Aınakól kóshesinen - M. Jumabaev kóshesi - B. Momyshuly dańǵylyndaǵy M-1 kópiri boıynda shekteledi.
