1 mamyrda Astana bike maýsymy ashylady
NUR-SULTAN. QazAqparat - 2019 jyldyń 1 mamyrynan bastap Astana bike Nur-Sultan qalasynyń turǵyndary men qonaqtary úshin velosıpedti avtomatty túrde jalǵa berý júıesiniń 6-shy maýsymyn iske qosady, dep habarlaıdy QazAqparat tilshisi.
Astana bike resmı saıtyndaǵy málimetke sáıkes, jańa maýsymǵa qosymsha tarıftik josparlar ázirlengen. Atap aıtqanda, qala turǵyndary 1 aılyq abonementti - 2 500, 3 aılyqty - 6 myń jáne bir jyldyqty - 10 myń teńgege satyp ala alady. Sonymen qatar, SMS arqyly velosıpedti paıdalaný tarıfteri mynadaı somada ózgergen: 1 kúnge - 3 500 teńge, 3 kúnge - 9 myń teńge, 7 kúnge - 17 500 teńge.
«Karta tarıfteriniń ıkemdi júıesi qala turǵyndaryna belgili bir aıǵa ǵana abonement satyp alýǵa múmkindik beredi. Al SMS boıynsha tarıfter Nur-Sultan qalasyna konferentsııalarǵa, kórmelerge nemese demalý maqsatymen qysqa ǵana ýaqytqa keletin adamdarǵa yńǵaıly bolmaq»,- dedi «VVVelocity.kz» qoǵamdyq qorynyń atqarýshy dırektory Almagúl Qasymova.
Aıta keterligi, Astana bike kartalaryn Qorǵaljyn tasjoly boıynda ornalasqan Keruen City saýda oıyn-saýyq ortalyǵyndaǵy satý bóliminen alýǵa bolady. Ol kún saıyn tańerteńgi 10-nan keshki 9-ǵa deıin jumys isteıdi.
