1 mamyrda 15 ulys ókilderi ulttyq taǵamdaryn usynatyn bolady - Astana
ASTANA. QazAqparat - «Qazaq eli» monýmentiniń aldyndaǵy alańda Qazaqstan halqynyń birligi kúnin merekeleý barysynda ulttyq taǵamdar jármeńkesi ótedi.
Bul týraly astana.kz saıtyna Astana qalasynyń Kásipkerlik jáne ónerkásip basqarmasynan habarlady.
Elordada turatyn 15 ulys ókilderi ózderiniń ulttyq taǵamdaryn kópshilikke usynatyn bolady. Bul kúni alańǵa kelgen qala turǵyndary men qonaqtarǵa «Korean Haýs» jáne «Jibek joly» meıramhanalary as ázirleıdi.
Budan basqa, elimizdiń túkpir-túkpirinen, TMD jáne Germanııadan, Úndistannan, Qytaıdan kelgen shyǵarmashylyq ujymdardyń 700 astam ártisiniń qatysýymen kontsert uıymdastyrylady, qoldanbaly óner men buıymdar kórmesi ótedi. Sondaı-aq, arqan tartý, armrestlıng, gir kóterý, toǵyzqumalaq jáne t.b. sport túrleri boıynsha saıystar ótkiziletin alańdar ornatylady.
