1 mamyr. Tulǵalar týǵan kún

ASTANA. QazAqparat – Búgin, 1 mamyrda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

61 jyl buryn(1962) - Qazaqstan Respýblıkasy Prezıdentiniń keńesshisi, ádebıetshi ǵalym, belgili jýrnalıst jáne pýblıtsıst, Qazaqstan Respýblıkasy Ulttyq ǵylym akademııasynyń akademıgi Baýyrjan Jumahanuly OMAROV dúnıege keldi.

Qyzylorda oblysynda týǵan. QazMÝ-dyń jýrnalıstıka fakýltetin (1986, qazirgi QazUÝ), Máskeý halyqaralyq bıznes jáne aqparattyq tehnologııalar ýnıversıtetin (1998) bitirgen.

Fılologııa ǵylymdarynyń doktory (2001), professor (2002).

«Lenınshil jas» (qazirgi «Jas alash») gazetinde tilshi, aǵa tilshi, aýdarmashy, bólim meńgerýshisi (1986-1994), QazUÝ-da aǵa oqytýshy (1994-1996), dotsent, aǵa ǵylymı qyzmetker (1998-2000), professor (2002-2003), Qyzylorda memlekettik ýnıversıtetiniń prorektory (1996-1997), Qyzylorda qalalyq ákiminiń orynbasary (1997-1998), Qazaqstan Ulttyq ǵylym akademııasynyń Ádebıet jáne óner ınstıtýtynda aǵa ǵylymı qyzmetker, bólim meńgerýshisi (2000-2003), «Qaınar» ýnıversıtetiniń professory (2001-2002); QR Mádenıet, aqparat jáne sport mınıstrliginde departament dırektory (2003-2006), «Astana habary» gazeti bas redaktorynyń 1-orynbasary, «Aıqyn» gazetiniń bas redaktory, Qyzylorda oblysy ákimi apparatynyń jetekshisi, «Qazaq gazetteri» JShS-niń bas dırektory (2006-2009) qyzmetterin atqardy. QR Mádenıet jáne aqparat mınıstrliginiń Aqparat jáne muraǵat komıteti tóraǵasynyń orynbasary; 2010 jyldan Til komıtetiniń tóraǵasy, QR Prezıdenti baspasóz qyzmetiniń sektor meńgerýshisi boldy. 2013 jyly qańtardan QR Prezıdenti baspasóz hatshysynyń orynbasary qyzmetin atqardy. Qazaqstan Respýblıkasy Prezıdentiniń keńesshisi (2019 jyldan bastap).

B.Bulqyshev atyndaǵy Qazaqstan Jýrnalıster odaǵy syılyǵynyń laýreaty (1990); BAQ salasyndaǵy Prezıdent grantynyń ıegeri (2007); halyqaralyq «Alash» ádebı syılyǵynyń laýreaty (2011).

«Qazaq ádebıetindegi zar zaman aǵymy (genezıs, tıpologııa, poetıka)» degen taqyrypta doktorlyq dıssertatsııa qorǵady. Murat Móńkeulynyń shyǵarmalaryn, qazaq ádebıetindegi zar zaman, ejelgi ádebıet máselelerin zerttedi. 70-ten astam ǵylymı jarııalanym men 6 kitaptyń avtory.

59 jyl buryn (1964) «Álkeı Marǵulan atyndaǵy Pavlodar pedagogıkalyq ýnıversıteti» KEAQ rektory – basqarma tóraǵasy Janbol Oktıabruly JYLBAEVdúnıege keldi.

Qaraǵandy oblysynda týǵan. 1988 jyly Qaraǵandy pedagogıkalyq ınstıtýtyn, 1995 jyly QR Eńbek mınıstrligi Qaraǵandy oqý ortalyǵynda (biliktilikti arttyrý ınstıtýty), 1999 jyly D. Qonaev atyndaǵy gýmanıtarlyq ýnıversıtettiń Qaraǵandy fılıalyn «zańger» mamandyǵymen bitirgen.

Eńbek jolyn 1988 jyly alǵashqy áskerı daıyndyq basshysy bolyp bastaǵan. Keıin Qaraǵandy qalasyndaǵy №88 orta mekteptiń dırektory bolǵan. Kóp jyldar boıy aýdandyq, qalalyq, oblystyq bilim bólimderinde eńbek etip, basshylyq qyzmetter atqarǵan. 2012-2013 jyldary Qaraǵandy oblysy ákiminiń orynbasary bolǵan. Y.Altynsarın atyndaǵy ulttyq akademııanyń prezıdenti (2013-2016). Y.Altynsarın atyndaǵy ulttyq akademııanyń rektory, basqarma tóraǵasy (2013-2020).

Qazirgi qyzmetinde – 2020 jyldyń jeltoqsanynan.

58 jyl buryn (1965) jýrnalıst, fılologııa ǵylymynyń doktory Amantaı Jarylqasynuly ShÁRІP dúnıege keldi.

Qyzylorda oblysy Qazaly aýdanynda týǵan. QazMÝ-diń jýrnalıstıka fakýltetin úzdik bitirgen (1988).

QazUÝ-da stajer-zertteýshi, assıstent, aǵa oqytýshy, kafedra meńgerýshisi, 1996-1997 jyldary Qyzylorda memlekettik ýnıversıtetiniń oqý isi jónindegi prorektory qyzmetin atqarǵan. 1997-2000 jyldary QazUÝ-diń doktorantýrasynda oqyǵan. 2000-2004 jyldary Eýrazııa ýnıversıtetinde kafedra meńgerýshisi, gýmanıtarlyq ınstıtýt dırektorynyń orynbasary, áleýmettik jumystar jónindegi prorektor qyzmetterin atqarǵan. 2004 jyldan «Qazaqstan» respýblıkalyq teleradıokorporatsııasy» AQ Qyzylorda oblysy fılıalynyń dırektory qyzmetin atqarǵan. Elimizdiń birqatar joǵary oqý oryndary men buqaralyq aqparat quraldarynda qyzmet istedi. «Astana aqshamy» gazetiniń dırektory - bas redaktory (2008-2012), «Egemen Qazaqstan» gazetinde bas redaktor, L. Gýmılev atyndaǵy Eýrazııa ulttyq ýnıversıteti janyndaǵy «Alash» mádenıet jáne rýhanı damý ınstıtýtynyń dırektory boldy.

Óleńderi men ádebı-syn maqalalary respýblıkalyq baspasózde 1979 jyldan bastap jaryq kórgen. Shyǵarmalary «Qarlyǵash», «Uly dala jyrlary», t.b. jınaqtary men antologııalarǵa engen. «Qubyla» atty jyr kitaby shyqty. «Sultanbek Qojanuly - ádebıetshi», «Qaıratkerdiń qalamgerligi» zertteý eńbekteriniń, «Qazaq poezııasy jáne ulttyq ıdeıa» atty ǵylymı monografııanyń avtory. Fılologııa ǵylymdarynyń doktory. «Daryn» memlekettik Jastar syılyǵynyń laýreaty.

55 jyl buryn (1968) Qazaqstan Respýblıkasy Parlamenti Senatynyń depýtaty, qarjy jáne bıýdjet komıtetiniń múshesi Sergeı Alekseevıch KARPLıÝK dúnıege keldi.

Qostanaı qalasynda týǵan. Ivanovsk hımııalyq tehnologııa ınstıtýtyn bitirgen, mamandyǵy: hımııalyq ınjener-tehnolog (1993).

Jumys tájirıbesi: Qostanaı oblystyq ındýstrııa jáne saýda basqarmasynyń bas mamany (1996-1997); Memlekettik departamentterdiń basshysy qyzmetterin atqardy. Qostanaı oblysy kásipkerlik jáne ónerkásip departamentiniń jetekshisi (1997-2008); Qazaqstan Respýblıkasy Indýstrııa jáne saýda mınıstriniń keńesshisi (2009-2010); Qazaqstan Respýblıkasy Indýstrııa komıteti tóraǵasynyń orynbasary (2010-2014) «QazAvtoJol» UK» AQ Basqarma tóraǵasynyń birinshi orynbasary (06.2014-10.2014). Qostanaı oblysy ákiminiń orynbasary (2014-2020).

Qazirgi laýazymynda –2020 jyldyń tamyzynan beri.

49 jyl buryn (1974) Q.I. Sátbaev atyndaǵy Ulttyq ǵylymı-zertteý ýnıversıtetiniń rektory-basqarma tóraǵasy Meıram Muhametrahymuly BEGENTAEV dúnıege keldi.

Pavlodar oblysynda týǵan. 1996 jyly Pavlodar ındýstrıaldy ınstıtýtyn «Avtomobılder jáne traktor jasaý» mamandyǵy boıynsha úzdik bitirdi. 1999 jyly S. Toraıǵyrov atyndaǵy PMÝ-dy «Quqyqtaný» mamandyǵy boıynsha úzdik bitirdi.

2010 jyly ekonomıka ǵylymdarynyń doktory ǵylymı dárejesin alý úshin dıssertatsııasyn sátti qorǵady. Qazaqstan Respýblıkasy Bilim jáne ǵylym mınıstrliginiń qurmetti qyzmetkeri bolyp tanyldy.Ár jyldary jaýapty basshylyq laýazymdar atqardy. 2004 jyly Tárbıe jumysy jáne áleýmettik máseleler jónindegi prorektor, 2008 jyly Strategııalyq josparlaý, áleýmettik jáne tárbıe jumysy jónindegi prorektor bolyp taǵaıyndaldy. 2010 jyldyń jeltoqsanynda Strategııalyq josparlaý, áleýmettik jáne tárbıe jumystary jónindegi birinshi prorektor bolyp taǵaıyndaldy. 2011 jyly Qazaqstan Respýblıkasy Bilim jáne ǵylym mınıstrliginiń Joǵary jáne joǵary oqý ornynan keıingi bilim departamenti dırektorynyń orynbasary mindetin atqarýshy bolyp taǵaıyndaldy.Birneshe ret Pavlodar qalalyq máslıhatynyń depýtaty bolyp saılandy, Pavlodar qalalyq máslıhatynyń áleýmettik saıasat jónindegi turaqty komıssııasynyń tóraǵasy boldy. 2012 jyldan 2016 jylǵa deıin V saılanǵan Qazaqstan Respýblıkasy Parlamenti Májilisiniń depýtaty, Qazaqstan Respýblıkasy Parlamenti Májilisiniń Áleýmettik-mádenı damý komıtetiniń múshesi boldy. 2019 jyly S.Toraıǵyrov atyndaǵy Pavlodar memlekettik ýnıversıtetiniń rektory.

Qazirgi qyzmetinde 2021 jyldyń sáýirinen.

48 jyl buryn (1975) Almaty qalasy ákiminiń orynbasary Ásem Bekqyzy NÚSІPOVA dúnıege keldi.

Almaty qalasynda týǵan. Ál-Farabı atyndaǵy Qazaq memlekettik ulttyq ýnıversıtetin bitirgen. (1998), ekonomıka jáne menedjment; QazMÝ aspırantýrasy (2000); M. Lomonosov atyndaǵy Máskeý memlekettik ýnıversıtetiniń aspırantýrasy (2005).

Eńbek joly: QazMÝ assıstenti (1999-2001); Qazaqstan Respýblıkasy Qaýipsizdik Keńesiniń ekonomıkalyq qaýipsizdik máseleleri jónindegi bóliminiń bas sarapshysy (2001-2002); Qazaqstan Respýblıkasy Prezıdenti Ákimshiliginiń júıeli zertteýler ortalyǵy sektorynyń meńgerýshisi (2002-2003); Qazaqstan Respýblıkasy Qarjy mınıstriniń keńesshisi (2003-2005) jáne Biryńǵaı ekonomıkalyq keńistikti qalyptastyrý jónindegi EýrAzEQ hatshylyǵy janyndaǵy uıymdastyrý-saraptama tobynyń keńesshisi (2004-2005); Qazaqstan Respýblıkasy Premer-Mınıstriniń keńesshisi, Premer-Mınıstr keńesshileri tobynyń jetekshisi (03.2005-11.2005); Qazaqstan Respýblıkasy Premer-Mınıstri Keńsesiniń Jıyntyq taldaý bóliminiń meńgerýshisi (2005-2006); Qazaqstan Respýblıkasynyń Densaýlyq saqtaý vıtse-mınıstri (2006-2008); «QazTransOıl» AQ Bas dırektorynyń ekonomıka jáne qarjy jónindegi orynbasary (2008-2016); Shyǵys Qazaqstan oblysy ákiminiń orynbasary (2016-2019); QR DSM jaýapty hatshysy (2005-2006); 07.2020-10.2020). Qazaqstan Respýblıkasynyń Densaýlyq saqtaý vıtse-mınıstri (2020-2022).

Atqaratyn laýazymynda – 2022 jylǵy aqpannan bastap.

44 jyl buryn (1979 jyly) Bilim Media Group elektrondy bilim berý kompanııasynyń negizin qalaýshy jáne basshysy, qoǵam qaıratkeri Raýan KENJEHANULY dúnıege keldi.

Shyǵys Qazaqstan oblysynda týǵan. Abaı atyndaǵy Almaty memlekettik ýnıversıtetin - halyqaralyq qatynastar mamandyǵy boıynsha (2001), Reseı Federatsııasynyń Úkimeti janyndaǵy Halyq sharýashylyǵy akademııasyn - iskerlik ákimshilik masteri mamandyǵy boıynsha (2004), sondaı-aq, AQSh-taǵy Garvard ýnıversıtetiniń Halyqaralyq qatynastar ortalyǵynyń Dj.Kennedı atyndaǵy basqarý mektebin bitirgen.

Eńbek jolyn 1998 jyly Ulttyq debat ortalyǵynda koordınator retinde bastaǵan.

2002-2005 jyldary «Habar» agenttiginiń Aqparattyq baǵdarlamalar dırektsııasynyń redaktory, Reseı Federatsııasy boıynsha menshikti tilshisi, 2005-2006 jyldary Qazaqstan Respýblıkasynyń Reseı Federatsııasyndaǵy Elshiliginde ekinshi jáne birinshi hatshy, 2006-2008 jyldary «Qazaqstan» respýblıkalyq teleradıokorporatsııasynyń Mańǵystaý oblystyq fılıalynyń dırektory, 2008-2009 jyldary Mańǵystaý oblysy ákiminiń qoǵamdyq-saıası máseleler jónindegi keńesshisi, 2010-2011 jyldary AQSh-taǵy Garvard ýnıversıtetinde lıngvıstıka departamentiniń oqytýshysy bolyp qyzmet atqarǵan.

2011 jyldan bastap «Bilim Media Group» kompanııasynyń dırektory qyzmetin atqardy, «Wikibilim» QQ qamqorshylyq keńesiniń tóraǵasy. 2014 jyly jeltoqsan men 2016 jyly tamyz aıyna deıin Qyzylorda oblysy ákiminiń orynbasary qyzmetin atqardy. «Ultyq aýdarma bıýrosy» qoǵamdyq qorynyń atqarýshy dırektory (2017 jyldan). 2018 jyly tamyz aıynan bastap Nur Otan partııasy Tóraǵasy birinshi orynbasarynyń keńesshisi bolyp taǵaıyndaldy. Qazaq, orys aǵylshyn jáne túrik tilderin jetik meńgergen.

2011 jyly Ýıkıpedııa qorynyń jyl saıynǵy halyqaralyq konferentsııasynda qazaq tilindegi Ýıkıpedııa qaýymdastyǵyn damytýǵa jáne nasıhattaýǵa qosqan úlesi úshin Wikipedia álemdik ınternet-entsıklopedııasynyń negizin qalaýshy Djımmı Ýelstiń jeke syılyǵymen marapattalyp, jyl Ýıkıpedııashysy (Wikipedian of the Year) ataǵy berildi. Bul syılyq alǵash ret tabys etilgen bolatyn.