1 Mamyr merekesine oraı qazaqstandyqtar úsh kún demalady
ASTANA. 29 sáýir. QazAqparat /Gúlmıra Álıakparova/ - 1 mamyr - Qazaqstan halqynyń birligi kúni merkesine oraı qazaqstandyqtar úsh kún demalady.
«Qazaqstan Respýblıkasyndaǵy merekeler týraly» QR Zańyna sáıkes, Qazaqstan halqynyń birligi merekesi 1 mamyr kúni atap ótiledi. Qazaqstan Respýblıkasynda mereke kúnder demalys bolyp tabylady, al demalys kúni men mereke kúnderi sáıkes kelgen jaǵdaıda - mereke kúninen keıingi jumys kúni demalys kúni bolyp sanalady. Bıyl 1 mamyr jeksenbi bolǵandyqtan, Qazaqstan halqy birligi kúni qazaqstandyqtar 30 sáýirden bastap 2 mamyrǵa deıin demalady.
1 Mamyr - Qazaqstan halqynyń birligi kúni merekesi respýblıkada el Prezıdenti Nursultan Nazarbaevtyń jarlyǵymen 1996 jyldan beri atap ótilip keledi. Tarıhta eńbekshilerdi biriktirgen aıtýly mereke Qazaqstan úshin jańasha mán-mańyzǵa ıe boldy. Bul meıram búginde qazaq jerin meken etken 130-dan astam ult ókiliniń tynyshtyǵy men tatýlyǵynyń nyshanyna aınaldy. Elbasynyń usynysy boıynsha atalmysh mereke bıyldan bastap jańasha úlgide atap ótiletin bolady. ıAǵnı bul kúni Astanada, barlyq oblystar men qalalarda jergilikti halyqtyń qatysýymen sherýler uıymdastyrylady.
