1 mamyr kúni basty merekelik sharalar LED-monıtorlar arqyly kórsetiledi
ASTANA. QazAqparat - Elordada Qazaqstan halqynyń birligi kúnin atap ótý maqsatynda 2015 jyldyń 1 mamyrynda saǵat 10:00-15:00 aralyǵynda «Qazaq eli» monýmentiniń aldyndaǵy alańda merekelik kontsert pen halyqtyq serýen ótedi, dep habarlady Astana qalasynyń resmı saıty.
Saǵat 10:00-23:00 aralyǵynda «Báıterek» monýmentiniń aldynda, Astana qalasy ákimdiginiń aldyndaǵy alańda, «Stýdenttik» saıabaqta, sonymen qatar saǵat 10:00-19:00 aralyǵynda «Jastar» teatrynyń aýmaǵynda (burynǵy K. Baıseıitova atyndaǵy opera jáne balet teatry), «Jastar saıabaǵynda» jáne M. Ótemisuly atyndaǵy Oqýshylar saraıynyń janynda Esil ózeniniń jaǵalaýynda merekelik sharalar ótedi.
Qazaqstan halqynyń birligi kúnine arnalǵan basty merekelik sharalar úsh birdeı alańda (qalalyq ákimdiktiń aldyndaǵy alańda, ǵashyqtar saıabaǵynda jáne «Báıterek» monýmentiniń janynda) LED-monıtorlar arqyly kórsetiledi.
Sonymen qatar, 1 mamyr kúni qala turǵyndary úshin Q. Qýanyshbaev atyndaǵy qazaq mýzykalyq drama teatrynda saǵat 18:30 jáne M. Gorkıı atyndaǵy orys drama teatrynda saǵat 18:00 «Jubaılar jumbaǵy» men «Hanýma» atty sahnalyq qoıylymdar ótedi.
Sáýirdiń 30-nan bastap mamyrdyń 4-ne deıin saǵat 10:00-18:00 aralyǵynda S. Seıfýllın atyndaǵy murajaıda «Bereke basy - dostyq» atty kórme men 2015 jyldyń 15 mamyrynda Kongress-hollda Astana qalasy ákimdiginiń fılarmonııasy saǵat 19:00 «Shalqyma» bı ansambliniń «Dostyq poezııasy» atty kontsertin uıymdastyrady.
