1 mamyr - Qazaqstandaǵy barsha halyqty birtutas memleketke jumyldyrady - ravvın E. Kogen
ASTANA. QazAqparat - 1 mamyr merekesi qazaq topyraǵynda turyp jatqan barsha halyqty birtutas memleketke jumyldyrady. Qazaqstan halqynyń birligi kúni merekesine oraı qazaqstandyqtardy quttyqtaǵan Qazaqstan Respýblıkasyndaǵy bas ravvın Eshaıa Kogen osylaı aıtty.
«Qymbatty qazaqstandyqtar! Qudaıǵa shúkir, alasapyran álemde Qazaqstan turaqtylyq aralyna aınalyp, toleranttylyq pen dostyqtyń, ózara qoldaýdyń úlgisine aınalyp otyr.
Ýkraına aýmaǵynda ómir súrip jatqan halyqtar úshin kúrdeli kezeńge aınalǵan búgingi kúni, saıası alaýyzdyq áseri arqyly adamdar taǵdyrynyń qalaı sheshilip jatqanyn kóre otyryp, biz burynǵydan da aýyzbirshilikti nyǵaıtyp, qoǵamdy jikke bólýge soqtyratyn syrtqy jáne ishki áserlerge belsendi túrde qarsy turýǵa tıispiz. Tarıhtyń ózi bizdi máńgilik adamzattyq qundylyqtarǵa umtylystyń: Qudaıǵa degen súıispenshiliktiń, adamzatty súıýdiń jáne bir-birine qamqor bolýdyń bizdiń shańyraǵymyzǵa beıbitshilik pen ıgilik ákeletinine úıretedi», - delingen ravvınniń quttyqtaýynda.
Sonymen qatar E. Kogen barsha qazaqstandyqtardy 1 mamyr merekesimen quttyqtaı otyryp, bul meıramnyń qazaq topyraǵynda turyp jatqan barsha halyqty birtutas memleketke jumyldyratynyn atap ótedi.
«Eń bastysy, Qazaqstan halqyna jáne Jer áleminiń barsha halyqtaryna dostyq, beıbitshilik pen ıgilik tileımin!», - delingen quttyqtaýda.
