1 mamyr - el birligi men qoǵamdyq kelisimniń sımvoly - Qazaqstan halqy Assambleıasynyń quttyqtaýy
*** Qurmetti otandastar!
Qazaqstan halqy Assambleıasy Sizderdi ystyq yqylaspen Qazaqstan halqy birligi merekesimen quttyqtaıdy!
Bul meıram - halqymyzdyń uıymshyldyǵy, el birligi men qoǵamdyq kelisimniń sımvoly bolyp tabylady. Atalǵan uǵymdar ómirimizge nyq enip, árbir úı men januıaǵa beıbitshilik, tynyshtyq pen bolashaqqa degen senim ákeldi.
Búgingi kúni beıbitshilik pen kelisim - memleketimizdiń, qoǵamymyzdyń jáne Otanymyzdyń árbir azamaty damýynyń basty sharttary ekeni anyq.
Qazaqstan Respýblıkasynyń Tuńǵysh Prezıdenti, Ult Kóshbasshysy N.Á.Nazarbaevtyń saıası jigeriniń arqasynda elimizdegi etnosaralyq úılesimdilik Táýelsiz Qazaqstannyń, onyń alýan túrli mádenıetteriniń, tilderiniń, salt-dástúrleriniń kúsheıýine ózderiniń qaıtalanbas úlesin qosyp otyrǵan júzden astam etnostardy biriktirdi.
Beıbitshilik pen kelisim saıasaty halqymyzǵa uly tarıhı múmkindikti ashty. Ol kúsh-qaıratymyzdy biriktirip, yrysy mol jáne gúldengen Qazaqstandy qurý úshin birlesip eńbek etý, urpaqty ósirý, jarqyn bolashaǵymyzdy qurý bolyp tabylady.
Sondyqtan, Qazaqstan Prezıdenti Assambleıanyń 21 sessııasynda beıbitshilik jáne rýhanı kelisimniń biregeı mádenıeti - urpaǵymyzǵa qaldyratyn asyl qazynasy ispettes bizdiń jalpyǵa ortaq mádenı muramyz ekendigi jóninde taǵy atap aıtty.
Qadirli jerlester!
Sizderdi osy búkilhalyqtyq merekemen quttyqtaımyz!
Ómirimiz jarqyn, aspanymyz ashyq, elimizdiń árbir shańyraǵynda rýhanı jylylyq pen molshylyq bolsyn.
Qazaqstan halqyna myqty densaýlyq, baq-dáýlet, beıbitshilik, ortaq shańyraǵymyz - Qazaqstan Respýblıkasynyń ıgiligine arnalǵan jaqsy ister men yrys-bereke kóbeıe bersin dep shynaıy yqylaspen tilegimizdi bildiremiz.
Qazaqstan halqy Assambleıasy
