1 mamyrǵa arnalǵan aýa raıy boljamy jarııalandy

ASTANA. KAZINFORM — «Qazgıdromet» RMK 1 mamyrǵa arnalǵan aýa raıy boljamyn usyndy.

Sınoptıkter málimetinshe, Qazaqstannyń basym bóliginiń aýa raıyna atmosferalyq fronttar áser etedi.

— Naızaǵaı oınap, jańbyr jaýady, túnde ońtústik-shyǵystyń taýly aımaqtarynda-jaýyn — shashyn (jańbyr, qar), Qazaqstannyń batysy men ońtústik-shyǵysynda burshaq jaýady. Tek soltústikte, QR ortalyǵynda jaýyn-shashynsyz aýa raıy kútiledi. Respýblıka boıynsha jel kúsheıedi, ońtústik-shyǵysta shańdy daýyl kóteriledi, túngi jáne tańerteńgi ýaqytta tuman túsedi. Qostanaı oblysynyń batysynda, shyǵysynda, Ulytaý oblysynyń soltústiginde, shyǵysynda, Qaraǵandy, Shyǵys Qazaqstan oblystarynda, Aqmola oblysynyń batysynda, ońtústiginde, shyǵysynda, Soltústik Qazaqstan oblysynyń ońtústik-shyǵysynda, Pavlodar oblysynyń batysynda, ońtústiginde, Abaı oblysynyń batysynda, soltústiginde 1-4 gradýs aıaz kútiledi. Aqtóbe oblysynyń soltústik-shyǵysynda topyraq betinde 1 gradýs aıaz kútiledi, — delingen habarlamada.

Sonymen qatar Qyzylorda, Jambyl, Túrkistan oblysynyń batysynda, Almaty oblysynyń ortalyǵynda, Atyraý, Aqtóbe, Qaraǵandy, Shyǵys Qazaqstan oblystarynyń ońtústiginde, Mańǵystaý oblysynyń soltústik-shyǵysynda, shyǵysynda, ortalyǵynda, Ulytaý oblysynyń ortalyǵynda, Jetisý oblysynyń batysynda, ońtústiginde, Abaı oblysynyń soltústik-batysynda, ońtústiginde joǵary órt qaýpi týyndaıdy.

Buǵan deıin «Qazgıdromet» RMK sınoptıkteri 1-2-3 mamyrǵa arnalǵan aýa raıy boljamyn jarııalady.