1 mamyrdan bastap jedel járdem qyzmeti men mobıldi brıgadalar ekige bólinip jumys isteıdi

ASTANA. KAZINFORM – Densaýlyq saqtaý mınıstri Aqmaral Álnazarova Úkimet otyrysynan keıin ótken baspasóz máslıhatynda 1  mamyrdan bastap jedel járdem qyzmetiniń jańa jumys tártibi qalaı uıymdastyrylatynyn túsindirdi.

- «103» qońyraýynyń jumys tártibi jedel qyzmetti qajet etetin azamattar úshin eshqandaı ózgermeıdi. Túngi ýaqytta (saǵat 20.00-den saǵaty 8.00-ge deıin – red.) tek qana jedel járdem qyzmeti búkil qońyraýlarǵa 100 paıyz jaýap berip, tıisti kómek kórsetedi. Búginde 1 mamyrǵa deıin emhanalar tarapynan járdem qyzmetin kórsetetin brıgadalar bolǵan. Alaıda bul brıgadalar barlyq emhanada bar deýge kelmeıtin. Kóbinese aýtsorsıngke berý arqyly buıryqty oryndap júrdi. Bul jedel járdem qyzmetine úlken salmaq túsirdi. ıAǵnı, óziniń qyzmetimen birge emhananyń qyzmetin de atqaryp júrdi. Saldarynan jedel járdemniń keshigýi jıiledi. Osyǵan baılanysty kúndizgi ýaqytta (saǵat 8.00-den 20.00-ge deıin - red.) 4 sanatqa jatatyn turǵyndardan (sozylmaly aýrýy bar naýqastar, dene qyzýy kóterilgender, júkti áıelder men jas bosanǵan analar, t.b. – red.) túsken shaqyrtýlarǵa emhanalar ózderi barýy kerek. Saǵat 20.00-den keıin búkil qońyraýdy jedel járdem atqarady, - dedi ol.

Mınıstr aıtyp otyrǵan mobıldik brıgadalar «35 myń turǵynǵa 1 top» qaǵıdatymen jasaqtalatyn. 1 mamyrdan bastap bul norma 25 myń turǵynǵa deıin azaıtylmaq. ıAǵnı, 20 mln halyqqa keminde 800 mobıldik brıgada qajet degen sóz.

- 1 mamyrdan bastap emhanalardyń janyndaǵy 600 mobıldik brıgada jumysqa kirisýge daıyn tur. Qalǵan 200 brıgada aýtsorsıng aıasyndaǵy kelisimshart boıynsha jumysqa kirisedi. Olarmen tıisti kelisimsharttar bekitilgen, - dedi mınıstr.

Jýrnalıst «25 myń turǵynǵa bir brıgada» halqy sırek qonystanǵan aýdandarda qalaı uıymdastyrylatynyn surady.

- Mysaly, Shyǵys Qazaqstannyń Katonqaraǵaı aýdanynda 23 myńnan asatyn turǵyn bar. 27 eldi mekenge bir brıgada qalaı úlgeredi – dedi BAQ ókili.

Vedomstvo basshysy mundaı aýdandardyń máselesin aýtsorsıng quraly arqyly sheshý kózdelip otyrǵanyn aıtty.

- Aýyldyq eldi mekenderde jedel járdem qyzmetimen birge aýtsorsıng brıgadalary burynǵydaı jumys isteı beredi. Osy jumys bir jolǵa qoıylǵannan keıin basqa da qosymsha ózgeristerdi qarastyramyz, - dedi Aqmaral Álnazarova.

Buǵan deıin Pavlodar aýyldarynda qaıtarylǵan aktıvter esebinen ambýlatorııalar salynatynyn jazǵan edik.