1 mamyrdan bastap Almaty men Pýsan arasynda reıs ashylady
ALMATY. KAZINFORM – 1 mamyrdan bastap Almaty – Pýsan tikeleı áýe reısi iske qosylady.
Almaty ákimdiginiń málimetinshe, Ońtústik Koreıanyń EasterJet áýe kompanııasy reısterdi aptasyna eki ret oryndaıdy. Jańa baǵyt eki el arasyndaǵy týrıstik ári iskerlik baılanystardy jańa deńgeıge kóterýge jol ashpaq.
– Tikeleı reıstiń ashylýy týrızmdi damytýǵa, iskerlik belsendilikti arttyrýǵa jáne mádenı baılanysqa tyń serpin berip, Almatynyń óńirdegi jetekshi týrıstik ortalyqtardyń biri retindegi ornyn odan ári nyǵaıta túsedi, - dep habarlady ákimdikten.
Keıingi jyldary Almatyǵa ońtústikkoreıalyq týrısterdiń qyzyǵýshylyǵy arta túsken. 2025 jyly qalaǵa Ońtústik Koreıadan 23 myńnan astam qonaq kelgen, bul 2024 jylmen salystyrǵanda 15,3%-ǵa kóp.
Eske salaıyq, buǵan deıin Astana men Almatydan Goaǵa tikeleı reıs ashylýy múmkin ekenin jazǵanbyz.