1 mamyrda Túrkııada ne boldy
ASTANA. KAZINFORM – Túrkııanyń kóptegen qalalarynda 1 mamyr – Eńbek jáne yntymaq kúni merekesine baılanysty úlken narazylyqqa ulasqan jaıaý sherýler ótti. Eń úlken sharalar Ystanbulda bolǵan. Megapolıstiń ártúrli bólikterinde kóptegen adamdarǵa qarsy kúsh qoldanyldy. Barlyǵy 226 adam ustaldy.
Ystanbul bıligi azamattarǵa 1 mamyr merekesin Taksım alańynda atap ótýge tyıym salýyna baılanysty narazylyq bildirgen adamdar toby qaýipsizdik kúshterimen qaqtyǵysty.
Aımaq gýbernatory merekeni alańda toılaýǵa tyıym salǵanymen, kásipodaqtar men saıası partııalardyń ókilderi sherýdi oǵan qaramastan ótkizýge sheshim qabyldady. Olar ortalyq alańǵa jaqyndaǵan kezde polıtseıler kózden jas aǵyzatyn gaz ben basqa da arnaıy quraldardy qoldana bastady.
Ystanbul ortalyǵyndaǵy Taksım alańynyń kásipodaqtar men oppozıtsııa úshin sımvoldyq máni bar. Belsendiler 1977 jylǵy 1 mamyrdaǵy oqıǵany eske alý úshin sol jerde mıtıng ótkizbek bolǵan. Sol jyly osy alańda kóptegen sherýshiler oqqa ushty. Bul oqıǵaǵa 500 myńǵa jýyq adam qatysty. Túrli derekkózderge sáıkes, oq atý saldarynan 40-tan astam adam qaza taýyp, 220-dan astam adam jaraqat alǵan.
Alań sonymen qatar oppozıtsııa sóz sóıleıtin orynǵa aınaldy. 2013 jyly munda el úkimetiniń osy attas alańnyń janynda ornalasqan Taksım-Gezı saıabaǵy ornynda qurylys jumystaryn júrgizýge qarsy narazylyq sharalary bastaldy. Olar Túrkııanyń sol kezdegi premer-mınıstri jáne qazirgi prezıdenti Rejep Taııp Erdoǵanǵa qarsy jalpyulttyq sherýlerge ulasty. Narazylyq sherýleri basylǵan soń túrik bıligi aımaqta úkimetke qarsy jıyndar ótkizýge tyıym saldy.
Keshe – 1 mamyrda Taksım alańyna Istıklıal dańǵyly boıyndaǵy tuıyq kósheler arqyly ótpek bolǵan túrli toptardyń jaıaý sherýine polıtsııa aralasty. Qoldaryna transparanttar men plakattar ustaǵan azamattarǵa tosqaýyl qoıyldy. 20-dan astam adam ustaldy.
Quqyq qorǵaýshylar sondaı-aq Taksım alańyna Beshiktash aýdanynan jaıaý barmaq bolǵan adamdardyń sherýine de aralasty. Urandar aıtqan bir top azamat qamaýǵa alyndy.
Budan basqa, qoldaryna transparant alǵan túrli saıası partııalar men jastar qozǵalysynyń bir top adamy da Taksımge jaıaý jetýge árekettendi. Polıtsııa olardy Shıshlı aımaǵynda toqtatty. Bılikke qarsy urandar aıtqan azamattar ustaldy. Sherý tóbeleske ulasty. Polıtsııa demonstranttardy tynyshtandyrý úshin kúsh qoldanýǵa májbúr boldy.
Kýrtýlýsh aýdanynda da Taksım alańyna sherýge shyqqysy kelgenderge tártip saqshylary kedergi jasady. ІІM-niń arnaıy bólimsheleri 10-nan astam adamdy ustady. Olar polıtsııa ýchaskelerine jetkizildi.
Sonymen birge Dolapdere aımaǵynan Taksımge jaıaý barmaq bolǵan qalyń top azamattyń jaıaý júrýine polıtsııa tosqaýyl jasady. Kóp ret eskertý jasalǵanyna qaramastan qarsylyq tanytqan 5 adam ustaldy.
Sondaı-aq, professor Djemıl Tashdjıoglý atyndaǵy qalalyq aýrýhana ǵımaratynyń janyna túrli kásipodaq músheleriniń arasynan adamdar jınala bastady. Olar da Taksım alańyna sherýdi josparlaǵan. Polıtsııa jınalǵandardy taratyp, eń belsendi azamattardy ustady.
Túrkııa Іshki ister mınıstri Álı Ierlıkaıanyń málimdemesi boıynsha, ruqsat etilmegen sherýler men mıtıngilerdi toqtatý qorytyndysy boıynsha barlyǵy 226 adam ustaldy. Bul rette 28 tártip saqshysy jeńil jaraqat aldy.
