1 mamyr. Kazinform kúntizbesi. Tulǵalar týǵan kún

ESІMDER

64 jyl buryn (1962) Qazaqstan Respýblıkasy Prezıdentiniń keńesshisi, ádebıetshi ǵalym, belgili jýrnalıst jáne pýblıtsıst, Qazaqstan Respýblıkasy Ulttyq ǵylym akademııasynyń akademıgi Baýyrjan Jumahanuly OMAROV dúnıege keldi.

Qyzylorda oblysynda týǵan. QazMÝ-dyń jýrnalıstıka fakýltetin, qazirgi QazUÝ), Máskeý halyqaralyq bıznes jáne aqparattyq tehnologııalar ýnıversıtetin bitirgen.

Fılologııa ǵylymdarynyń doktory, professor.

Eńbek joly: 1986-1994 jyldary «Lenınshil jas» (qazirgi «Jas alash») gazetinde tilshi, aǵa tilshi, aýdarmashy, bólim meńgerýshisi, 1994-1996 jyldary QazUÝ-da aǵa oqytýshy, 1998-2000 jyldary dotsent, aǵa ǵylymı qyzmetker, professor, Qyzylorda memlekettik ýnıversıtetiniń prorektory, Qyzylorda qalalyq ákiminiń orynbasary, 2000-2003 jyldary Qazaqstan Ulttyq ǵylym akademııasynyń Ádebıet jáne óner ınstıtýtynda aǵa ǵylymı qyzmetker, bólim meńgerýshisi, 2001-2002 jyldary «Qaınar» ýnıversıtetiniń professory, 2003-2006 jyldary QR Mádenıet, aqparat jáne sport mınıstrliginde departament dırektory, 2006-2009 jyldary «Astana habary» gazeti bas redaktorynyń 1-orynbasary, «Aıqyn» gazetiniń bas redaktory, Qyzylorda oblysy ákimi apparatynyń jetekshisi, «Qazaq gazetteri» JShS-niń bas dırektory boldy. QR Mádenıet jáne aqparat mınıstrliginiń Aqparat jáne muraǵat komıteti tóraǵasynyń orynbasary; 2010 jyldan Til komıtetiniń tóraǵasy, QR Prezıdenti baspasóz qyzmetiniń sektor meńgerýshisi boldy. 2013 jyly qańtardan QR Prezıdenti baspasóz hatshysynyń orynbasary qyzmetin atqardy.

2019 jyldan bastap – QR Prezıdentiniń keńesshisi.

B.Bulqyshev atyndaǵy Qazaqstan Jýrnalıster odaǵy syılyǵynyń laýreaty, BAQ salasyndaǵy Prezıdent grantynyń ıegeri, halyqaralyq «Alash» ádebı syılyǵynyń laýreaty.

«Qazaq ádebıetindegi zar zaman aǵymy (genezıs, tıpologııa, poetıka)» degen taqyrypta doktorlyq dıssertatsııa qorǵady. Murat Móńkeulynyń shyǵarmalaryn, qazaq ádebıetindegi zar zaman, ejelgi ádebıet máselelerin zerttedi. 70-ten astam ǵylymı jarııalanym men 6 kitaptyń avtory.

61 jyl buryn (1965) jýrnalıst, fılologııa ǵylymynyń doktory Amantaı Jarylqasynuly ShÁRІP dúnıege keldi.

Qyzylorda oblysy Qazaly aýdanynda týǵan. 1988 jyly QazMÝ-diń jýrnalıstıka fakýltetin úzdik bitirgen.

QazUÝ-da stajer-zertteýshi, assıstent, aǵa oqytýshy, kafedra meńgerýshisi, 1996-1997 jyldary Qyzylorda memlekettik ýnıversıtetiniń oqý isi jónindegi prorektory qyzmetin atqarǵan. 1997-2000 jyldary QazUÝ-diń doktorantýrasynda oqyǵan. 2000-2004 jyldary Eýrazııa ýnıversıtetinde kafedra meńgerýshisi, gýmanıtarlyq ınstıtýt dırektorynyń orynbasary, áleýmettik jumystar jónindegi prorektor qyzmetterin atqarǵan. 2004 jyldan «Qazaqstan» respýblıkalyq teleradıokorporatsııasy» AQ Qyzylorda oblysy fılıalynyń dırektory qyzmetin atqarǵan. Elimizdiń birqatar joǵary oqý oryndary men buqaralyq aqparat quraldarynda qyzmet istedi. 2008-2012 jyldary «Astana aqshamy» gazetiniń dırektory – bas redaktory, keıin «Egemen Qazaqstan» gazetinde bas redaktor, L.Gýmılev atyndaǵy Eýrazııa ulttyq ýnıversıteti janyndaǵy «Alash» mádenıet jáne rýhanı damý ınstıtýtynyń dırektory boldy.

Óleńderi men ádebı-syn maqalalary respýblıkalyq baspasózde 1979 jyldan bastap jaryq kórgen. Shyǵarmalary «Qarlyǵash», «Uly dala jyrlary», t. b. jınaqtary men antologııalarǵa engen. «Qubyla» atty jyr kitaby shyqty. «Sultanbek Qojanuly – ádebıetshi», «Qaıratkerdiń qalamgerligi» zertteý eńbekteriniń, «Qazaq poezııasy jáne ulttyq ıdeıa» atty ǵylymı monografııanyń avtory. Fılologııa ǵylymdarynyń doktory. «Daryn» memlekettik Jastar syılyǵynyń laýreaty.

58 jyl buryn (1968) Qazaqstan Respýblıkasy Parlamenti Senatynyń depýtaty, qarjy jáne bıýdjet komıtetiniń múshesi Sergeı Alekseevıch KARPLıÝK dúnıege keldi.

Qostanaı qalasynda týǵan. Ivanovsk hımııalyq tehnologııa ınstıtýtyn bitirgen, mamandyǵy: hımııalyq ınjener-tehnolog.

Eńbek joly: 1996-1997 jyldary Qostanaı oblystyq ındýstrııa jáne saýda basqarmasynyń bas mamany, 1997-2008 jyldary Memlekettik departamentterdiń basshysy qyzmetterin atqardy. Qostanaı oblysy kásipkerlik jáne ónerkásip departamentiniń jetekshisi, 2009-2010 jyldary Qazaqstan Respýblıkasy Indýstrııa jáne saýda mınıstriniń keńesshisi, 2010-2014 jyldary QR Indýstrııa komıteti tóraǵasynyń orynbasary, «QazAvtoJol» UK» AQ Basqarma tóraǵasynyń birinshi orynbasary, 2014-2020 jyldary Qostanaı oblysy ákiminiń orynbasary qyzmetin atqardy.

2020 jyldyń tamyz aıynan bastap qazirgi qyzmetinde.

52 jyl buryn (1974) Q.I.Sátbaev atyndaǵy Ulttyq ǵylymı-zertteý ýnıversıtetiniń rektory – Basqarma tóraǵasy Meıram Muhametrahymuly BEGENTAEV dúnıege keldi.

Pavlodar oblysynda týǵan. 1996 jyly Pavlodar ındýstrıaldy ınstıtýtyn «Avtomobılder jáne traktor jasaý» mamandyǵy boıynsha úzdik bitirdi. 1999 jyly S.Toraıǵyrov atyndaǵy PMÝ-dy «Quqyqtaný» mamandyǵy boıynsha úzdik bitirdi.

2010 jyly ekonomıka ǵylymdarynyń doktory ǵylymı dárejesin alý úshin dıssertatsııasyn sátti qorǵady. QR Bilim jáne ǵylym mınıstrliginiń qurmetti qyzmetkeri bolyp tanyldy.

Eńbek joly: 1994-1999 jyldary S.Toraıǵyrov atyndaǵy Pavlodar memlekettik ýnıversıteti stýdentter kásipodaǵy komıtetiniń tóraǵasy, 1999 jyly Pavlodar ýnıversıteti mádenıet akademııasynyń dırektory, 1999-2000 jyldary Qoǵamdyq ǵylymdar kafedrasynyń taǵylymger-zertteýshisi, 2000-2001 jyldary Qoǵamdyq ǵylymdar kafedrasynyń oqytýshysy, 2001-2004 jyldary S.Toraıǵyrov atyndaǵy Pavlodar memlekettik ýnıversıtetinde ınstıtýt dırektory, basqarma basshysy, departament dırektory, 2004-2010 jyldary S.Toraıǵyrov atyndaǵy Pavlodar memlekettik ýnıversıtetiniń prorektory, 2010-2012 jyldary

S.Toraıǵyrov atyndaǵy Pavlodar memlekettik ýnıversıtetiniń birinshi prorektory, 2016-2019 jyldary Pavlodar oblysy ákiminiń orynbasary, 2019 jyly S.Toraıǵyrov atyndaǵy Pavlodar memlekettik ýnıversıtetiniń rektorynyń mindetin atqarýshy, 2019-2021 jyldary S.Toraıǵyrov atyndaǵy Pavlodar memlekettik ýnıversıtetiniń rektory qyzmetinde boldy.

Qazirgi laýazymyn 2021 jyldyń sáýir aıynan beri atqaryp keledi.

47 jyl buryn (1979) «Qazaq tili» halyqaralyq qoǵamynyń prezıdenti, YPO Kazakhstan (Young President Organization) tóraǵasy, Bilim Media Group elektrondy bilim berý kompanııasynyń negizin qalaýshy jáne basshysy, qoǵam qaıratkeri Raýan KENJEHANULY dúnıege keldi.

Shyǵys Qazaqstan oblysynda týǵan. Abaı atyndaǵy Almaty memlekettik ýnıversıtetin – halyqaralyq qatynastar mamandyǵy boıynsha (2001), Reseı Federatsııasynyń Úkimeti janyndaǵy Halyq sharýashylyǵy akademııasyn – iskerlik ákimshilik masteri mamandyǵy boıynsha (2004), sondaı-aq, AQSh-taǵy Garvard ýnıversıtetiniń Halyqaralyq qatynastar ortalyǵynyń Dj.Kennedı atyndaǵy basqarý mektebin bitirgen.

Eńbek jolyn 1998 jyly Ulttyq debat ortalyǵynda koordınator retinde bastaǵan. 2002-2005 jyldary «Habar» agenttiginiń Aqparattyq baǵdarlamalar dırektsııasynyń redaktory, Reseı Federatsııasy boıynsha menshikti tilshisi, 2005-2006 jyldary Qazaqstan Respýblıkasynyń Reseı Federatsııasyndaǵy Elshiliginde ekinshi jáne birinshi hatshy, 2006-2008 jyldary «Qazaqstan» respýblıkalyq teleradıokorporatsııasynyń Mańǵystaý oblystyq fılıalynyń dırektory, 2008-2009 jyldary Mańǵystaý oblysy ákiminiń qoǵamdyq-saıası máseleler jónindegi keńesshisi, 2010-2011 jyldary AQSh-taǵy Garvard ýnıversıtetinde lıngvıstıka departamentiniń oqytýshysy bolyp qyzmet atqarǵan.

2011-2014 jyldary «Bilim Media Group» kompanııasynyń dırektory, 2014-2016 jyldary Qyzylorda oblysy ákiminiń orynbasary qyzmetin atqardy. «Ultyq aýdarma bıýrosy» qoǵamdyq qorynyń atqarýshy dırektory (2017 jyldan). 2018 jyly tamyz aıynan bastap Nur Otan partııasy Tóraǵasy birinshi orynbasarynyń keńesshisi bolyp taǵaıyndaldy.

Qazirgi qyzmetin 2023 jyldyń shilde aıynan beri atqaryp keledi.

2011 jyly Ýıkıpedııa qorynyń jyl saıynǵy halyqaralyq konferentsııasynda qazaq tilindegi Ýıkıpedııa qaýymdastyǵyn damytýǵa jáne nasıhattaýǵa qosqan úlesi úshin Wikipedia álemdik ınternet-entsıklopedııasynyń negizin qalaýshy Djımmı Ýelstiń jeke syılyǵymen marapattalyp, jyl Ýıkıpedııashysy (Wikipedian of the Year) ataǵy berildi. Bul syılyq alǵash ret tabys etilgen bolatyn.

38 jyl buryn (1988) «Azyq-túlik kelisimshart korporatsııasy» UK» AQ Basqarma Tóraǵasynyń birinshi orynbasary Ildar Oralbaıuly ISMAGÝLOV dúnıege keldi.

Astanada týǵan. Eýrazııa gýmanıtarlyq ınstıtýtyn “Qarjy” mamandyǵy boıynsha, Bóketov atyndaǵy Qaraǵandy memlekettik ýnıversıtetin “Quqyqtaný” mamandyǵy boıynsha, ”Innovatsııalyq Eýrazııa ýnıversıtetin” (qashyqtyqtan oqytý kýrsy) “Menedjment” mamandyǵy boıynsha, biliktiligi – MVA iskerlik ákimshilendirý magıstri, Management & Marketing Universal BUSINESS SCHOOL, Edinburgh, Scotland UK, MVA General management, Qazaq ulttyq agrarlyq zertteý ýnıversıteti, “Agronomııa” mamandyǵy boıynsha bitirgen.

Eńbek jolyn 2007 jyly jeke uıymda bastady. 2009-2011 jyldary Astana qalasy Saryarqa aýdany ákiminiń apparatynda jumys istedi. 2011-2017 jyldary “Qazaqstan ınjınırıng” Ulttyq kompanııasy” AQ menedjeri, bas menedjeri boldy. 2017-2019 jyldary jeke sektorda basshylyq qyzmetterdi atqardy. 2019-2022 jyldary korporatıvtik hatshy, basqarýshy dırektor – QR Aýyl sharýashylyǵy mınıstrliginiń “Ulttyq agrarlyq ǵylymı – bilim berý ortalyǵy” KEAQ Basqarma múshesi, 2022-2023 jyldary “Agro Lab” JShS Bas dırektorynyń orynbasary, 2023-2024 jyldary Qarjy basqarmasy basshysynyń orynbasary, Soltústik Qazaqstan oblysy ákimdiginiń kásipkerlik jáne ındýstrııalyq-ınnovatsııalyq damý basqarmasynyń basshysy, 2024-2025 jyldary «Azyq-túlik kelisimshart korporatsııasy» UK» AQ basqarýshy dırektory-Basqarma múshesi bolǵan.

Qazirgi qyzmetin 2025 jylǵy tamyzdan bastap atqaryp keledi.

78 jyl buryn (1947-2010) memleket jáne qoǵam qaıratkeri, kıno jáne teatr akteri, teatr pedagogi, professor Qudaıbergen Táýekeluly SULTANBAEV dúnıege keldi.

Qyzylorda oblysy, Aral aýdanynda týǵan. 1974 jyly Qazaq memlekettik óner ınstıtýtynyń akterlik fakýltetin, keıin Abaı atyndaǵy ýnıversıtettiń zań fakýltetin bitirgen.

Shyǵarmashylyq jolyn 1968-1969 jyldary Aral aýdandyq mádenıet bóliminde bastady. 1969-1970 jyldary «Gúlder» ansambli quramynda rejısserdiń assıstenti boldy. 1974 jyldan M.Áýezov atyndaǵy Qazaq memlekettik akademııalyq drama teatrynyń akteri. Týmysynan talantty akterdiń sahnada somdaǵan aıtýly rólderi qatarynda M.Áýezovtiń «Aıman-Sholpanyndaǵy» Jaras, Ǵ.Músirepovtiń «Amangeldisi» men «Qozy Kórpesh-Baıan sulýyndaǵy» Zilqara men Jantyq, Á.Nurpeıisovtiń «Qan men terindegi» Tilmásh, B.Muqaevtyń «Toıat túnindegi» Qalı, Sh. Aıtmatovtyń «Aq kemesi» men «Ǵasyrdan da uzaq kúnindegi» Seıdahmet pen Sábıtjan, N.Gogoldiń «Revızoryndaǵy» Bobchınskıı, Ý.Shekspırdiń «Rıchard ІІІ»-indegi Epıskop, F.Erveniń «Túlki bıkeshindegi» rejısserdiń kómekshisi, S. Ahmadtyń «Kelinder kóterilisindegi» tilshi sekildi kóptegen beıneler bar. Onyń sońǵy kezde beınelegen sátti jumysy Á.Rahımovtyń «Qylmyskerge kýálik» spektaklindegi Ákim obrazy boldy. Q.Sultanbaev talantynyń taǵy bir qyry satıra janrynda jarqyrap kórindi. Bul rette ol kórermen kóńilinen ornyqty oryn tapqan «Tamasha» oıyn-saýyq otaýynyń negizin qalaýshylar qatarynan tabylyp, elimizde atalmysh janrdyń sahnalyq sıpatynyń damýyna úlken úles qosa bildi. Kórnekti akter kıno ónerinde de ózindik izin qaldyrdy. Ol rejısser S. Narymbetovtiń birneshe fılminde, sondaı-aq B.Shámshıevtiń «Kóktóbedegi kezdesý», Z.Podolskııdiń «Qosh bol, Medeý!», S. Táýekeldiń «Mahambet», T.Ábdirashevtiń «Qaladan kelgen qyz», «Quraq kórpe» dep atalatyn kórkem fılmderinde ár alýan beınelerdi jasady. 1995-2000 jyldary Parlament Májilisiniń depýtaty boldy. Ol Májiliste áleýmettik-mádenı damý komıtetiniń múshesi retinde osy saladaǵy kóptegen ózekti máselelerdiń sheshilýine atsalysty.

«Astana» medalimen, «Qurmet» ordenimen marapattaldy.