№1 lańkes - ben Laden emes, ıemendik Ánýar ál-Aýlakı, deıdi batystyń arnaıy qyzmetteri
ASTANA. Qyrkúıektiń 25-i. QazAqparat - Batystyń arnaıy qyzmetteri qazirgi tańda «№1 lańkes» ataǵyna ıe bolǵan Ánýar ál-Aýlakıdi ustaý nemese onyń kózin joıý maqsatyndaǵy is-qımyldaryn kúsheıtip otyr.
Mamandardyń baǵalaýynsha, ál-Aýlakı búginde Ýsama ben Ladennen de kóbirek qaýip tóndirip otyrǵan kórinedi. Al ben Laden 2001 jylǵy qyrkúıektiń 11-indegi lańkestikten keıin óz basynyń amandyǵyn oılap, belsendi is-qımyldan boıyn aýlaq salýǵa májbúr bolyp otyr, deıdi sarapshylar.
Eýropalyq derek kózderdiń habarlaýynsha, 39 jastaǵy ıemendik Ánýar ál-Aýlakı AQSh-tyń Ortalyq barlaý basqarmasy qurastyrǵan jáne jańartqan tulǵalardyń tizimine qosylyp otyr. Bul tizimge kirgenderdiń kózderi dereý joıylýy kerek, sebebi olar qoǵam úshin aıryqsha lańkestik qaýip tóndiredi.
AQSh-ta ıemendik otbasynda týǵan ál-Aýlakı búginde lańkestikti nasıhattaý jáne fanatıkterdi Batyspen kúreske shaqyrý úshin Internetti jáne beınetehnıkany belsendi paıdalanyp otyrǵan eń tanymal radıkaldy ıslamıst. Ásirese, tanymal YouTube jelisine Ánýar ál-Aýlakıdiń beınedáristeri kóp ornatylady.
