1 qyrkúıekten dárigerler men orta medıtsınalyq qyzmetkerlerdiń jalaqysy ósedi – Úkimet qaýlysy
Aıta ketsek, bıyl Úkimet qaýlysymen memlekettik medıtsınalyq uıymdarda eńbek etetin dárigerlerdiń jalaqsyn - 30%, al orta personaldyń aılyǵyn 20%-ǵa arttyrý sheshimi qabyldandy. Oǵan saı, eńbekaqy tóleý koeffıtsıentteri bekitildi. Alaıda, mınıstrlik dereginshe, kóterilgen koeffıtsıentterdiń ózi 30% jáne 20% ósimdi qamtamasyz ete almaıdy.
«Óz kezeginde qaýlyda 2023 jylǵy belgilengen túzetý koeffıtsıentteri dárigerlerge – 2,73, orta medıtsınalyq personalǵa (OMP) – 2,05 mólsherinde belgilendi. Degenmen ol dárigerlerdiń jalaqysyn - 30%, OMP-ǵa 20%-ǵa arttyrýdy qamtamasyz etpeıdi. Tıisinshe, qaýly boıynsha eńbekaqy alatyn medıtsına qyzmetkerleri men salalyq kelisim boıynsha jalaqy alatyn TMKKK jáne MÁMS sheńberinde qarjylandyrylatyn densaýlyq saqtaý sýbektileriniń qyzmetkerleri arasynda eńbekaqy tóleýde alshaqtyq oryn aldy. Osy alshaqtyqty joıý jáne qyzmetkerler arasynda rezonans týǵyzbaý úshin Densaýlyq saqtaý mınıstrligi 2023 jylǵa belgilengen túzetý koeffıtsıentterin dárigerlerge 2,73 ornyna 3,42 mólsherinde, orta medıtsınalyq personalǵa 2,05 ornyna 2,34 mólsherinde arttyrýdy usynady», - dep jazylǵan Ashyq NQA portalynda jarııalanǵan Úkimet qaýlysynyń jobasynda.
Densaýlyq saqtaý mınıstrliginiń málimetine saı, bul maqsatqa 2023-2025 jyldarǵa arnalǵan respýblıkalyq bıýdjetti naqtylaý kezinde 36 mlrd 111 mln 991 myń qosymsha qarajat bólingen. Onyń ishinde bıyl 5 mlrd 035 mln 875 myń teńge, 2024 jyly 15 mlrd 409 mln 146 myń teńge, al 2025 jyly 15 mlrd 666 mln 970 myń teńge baǵyttalady.
Qujatta kórsetilgendeı, ózgergen koeffıtsıent negizinde jalaqy tóleý 1 qyrkúıekten bastalady. ıAǵnı, sol ýaqyttan dárigerler men orta medıtsınalyq personaldyń aılyǵy ósedi.
Úkimet qaýlysynyń-jobasy 28 shildege deıin kópshilik talqylaýda bolady.
