1 qyrkúıekten bastap úı janýarlary esepke alyna bastaıdy

ASTANA. QazAqparat - Úı janýarlaryn esepke alý erejeleri 2023 jyldyń 1 qyrkúıeginen bastap kúshine enedi. Onyń negizinde ıtter men mysyqtardy mindetti esepke alý kózdelgen, dep habarlaıdy QazAqparat QR Ekologııa jáne tabıǵı resrýstar mınıstrliginiń baspasóz qyzmetine silteme jasap.

Zańnyń 11-babynyń 2-tarmaǵyna sáıkes úı janýarlaryn esepke alýdy jergilikti atqarýshy organdar (JAO) qurǵan memlekettik veterınarııalyq uıymdar, veterınarııa salasynda emdeý-profılaktıkalyq kásipkerlik qyzmetti júzege asyratyn jeke nemese memlekettik emes zańdy tulǵalar júzege asyrady.

Bul rette, jergilikti atqarýshy organ memlekettik satyp alý týraly zańnamaǵa sáıkes janýarlardy esepke alý jónindegi aqparattyq júıeni derbes aıqyndaıdy, sondyqtan derekter bazasynyń fýnktsıonalyn pysyqtaý máseleleri boıynsha azamattar jergilikti ákimdikke júginýge quqyly.

Sonymen qatar, zańnamaǵa sáıkes janýardyń ıesi nemese oǵan jaýapty tulǵa esepke alý buıymyn (quralyn) derbes aıqyndaıdy, bul rette úı janýarlaryn esepke alý buıymdaryna (quraldaryna) bolıýster, chıpter jáne basqa da buıymdar (quraldar) jatady.

Esepke alý normalaryn buzǵany úshin «Ákimshilik quqyq buzýshylyq týraly» Qazaqstan Respýblıkasy Kodeksiniń 407-2-babynda tıisti aıyppul kózdelgen.