1 qyrkúıekten bastap Óskemenniń qoǵamdyq kólikterine jańa tólem júıesi engizilmek
Avtobýstarda, tramvaılarda jáne mıkroavtobýstarda jolaqysyn SMS, QR-kod jáne «Oskemencard» kólik kartasy arqyly tóleýge bolady
Qazir qalanyń barlyq qoǵamdyq kólikteri valıdatorlarmen, GPS-trekerlermen, borttyq kompıýterlermen jáne mobıldi termınaldarmen jabdyqtalǵan. Jolaqysynyń avtomattandyrylǵan tólem júıesine 9 marshrýttyq taksı qosylǵan (№ 228, 229, 230, 246, 253, 255, 260, 261 jáne 262), 4 avtobýs (№12, 24, 60 jáne 67) jáne 3 tramvaı baǵyty (№ 1, 3 jáne 4). Júıe tamyz aıynyń sońyna deıin barlyq qalalyq marshrýttarda iske qosylady.
Jolaqysyn búkil álemde keńinen taralǵan dástúrli tásil – kólik kartasy boıynsha da tóleýge bolady. Aldymen ol karta qalanyń 34 núktesinde satylady, shyǵarylady jáne toltyrylady. Bul kartan 500 teńge turady. Jeńildigi bar kólik kartasy mektep kartasy sııaqty tegin beriletin bolady.
Budan bólek, «Oskemenbus» mobıldi qosymshasy iske qosyldy. Onda avtobýs qozǵalysyn qadaǵalaýǵa, aıaldamaǵa kelý kestesi men naqty ýaqytyn tekserýge jáne mejeli jerge deıin barýdyń yńǵaıly marshrýtyn jasaýǵa bolady. Іske qosylǵan bette qosymshany 100 myńnan astam adam júktep alǵan.