1 qyrkúıekten bastap «Nazar aýdaryńyz, balalar!» atty respýblıkalyq jedel profılaktıkalyq is-sharalar ótedi - ІІM
ASTANA. 31 tamyz. QazAqparat /Qanat Mámetqazyuly/ - 1 qyrkúıekten bastap ishki ister organdary balalar jol-kólik jaraqatynyń aldyn alý maqsatynda «Nazar aýdaryńyz, balalar!» atty respýblıkalyq jedel profılaktıkalyq is-sharalar júrgiziletin bolady.
Bul týraly búgin QR ІІM ótken brıfıngte málim boldy.
Sharaǵa sáıkes, 5 kún boıy jol polıtsııasy jasaqtarynyń beketteri men sholǵynshylar baǵyttary oqý oryndaryna barynsha jumyldyrylatyn bolady. Bul rette balalar jol-kólik jaraqatynyń negizgi sebepteri bolyp tabylatyn jol qozǵalysy erejelerin júrgizýshiler tarapynan buzýdyń jolyn kesýge erekshe nazar aýdarylady. Aktsııalar sheńberinde jol polıtsııasynyń qyzmetkerleri mektepterde jáne balalar úılerinde balalar men jasóspirimderdiń joldarda qaýipsizdik tártibin qalyptastyrý úshin taqyryptyq sabaqtar ótkizedi.
Budan bólek, shara aıasynda kólik quraldaryn júrgizýshilerge qaýipsizdik sharalaryn saqtaý jónindegi jekelegen áńgimeler-keńester júzege asady. Sonymen qatar is-sharalar sheńberinde bilim berý mekemeleriniń janynda ornalasqan kóshe-jol júıesine keshendi tekserýler uıymdastyrylmaq.
